Folga en Recalvi Autos.

 Convocan dúas xornadas de folga en Recalvi Autos para reclamar o mantemento dos postos de traballoOs 22 traballadores/as denuncian que a compañía con sede en Vigo pretende despedilos sen abonarlles as indemnizacións Os arredor de 22 empregados/as da compañía viguesa Recalvi Autos -único concesionario Fiat na provincia de Pontevedra- teñen convocadas dúas xornadas de folga para reclamarlle ao Grupo Recalvi unha solución que permita salvar os seus postos de traballo. Os paros desenvolveranse mañá martes día 4 e o mércores día 5 entre as 9.00 e as 13.30 horas. O Grupo Recalvi mercou hai tres anos os antigos Talleres Barreiros, situados na Avenida de Madrid de Vigo, e agora pretende deixar na rúa a persoas cunha media de 20 anos de antigüidade na empresa “sen custe algún para a actual dirección”, tal e como denuncia  o delegado de persoal, David González, da CIG. “Por iso se acolleron á Lei Concursal, para  posteriormente presentar un ERE de extinción e que sexa o Fogasa o que pague as indemnizacións de 20 días por ano traballado, cun tope de 12 mensualidades”, critica. Neste senso, censura que a compañía pretende deixalos na rúa “sen ningún dereito aproveitando a situación laboral actual que estamos a sufrir pola nova reforma laboral aprobada polo Goberno español”. Diante disto, os traballadores/as comezaron a mobilizarse a semana pasada. Entre as 13.30 e as 15.30 horas, coincidindo co horario de comida, permanecen concentrados a diario na porta das instalacións na Avenida de Madrid para reclamar a recolocación ou o cobro de indemnizacións. Alí despregan varias faixas denunciando a súa situación (“Recalvi solución” ou “A nosa cesta de Nadal é a Lei Concursal”), despois de que os propietarios da empresa lles comunicasen incluso que non van cobrar o salario do mes de decembro nin a paga extra correspondente. Os traballadores afectados, cunha media de 20 anos de antigüidade na empresa, critican que hai xa máis de ano e medio que advertiron ao grupo da mala situación económica da empresa, sen que os seus responsábeis tivesen feito algo para poñerlle remedio.

About Vgomagazine

Revista Online.

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión /  Cambiar )

Google photo

Estás comentando usando tu cuenta de Google. Cerrar sesión /  Cambiar )

Imagen de Twitter

Estás comentando usando tu cuenta de Twitter. Cerrar sesión /  Cambiar )

Foto de Facebook

Estás comentando usando tu cuenta de Facebook. Cerrar sesión /  Cambiar )

Conectando a %s

A %d blogueros les gusta esto: