Novacaixagalicia presenta o seu plan de traballo para 2011, baseado en pemes e familias

   A entidade pecha 2010 con 144 millóns de beneficio neto
   A fusión informática anticiparase a este mesmo exercicio
 
  Novacaixagalicia presentou esta tarde en Santiago o seu plan de traballo para este ano, cunha estratexia centrada no crecemento do crédito a pequenas e medianas empresas (pemes) e familias. A presentación do proxecto realizouse en Santiago de Compostela, coa participación de 300 profesionais da entidade, responsables das diferentes divisións, áreas e departamentos de traballo. A entidade debullou a súa estratexia de acción a curto, medio e longo prazo, pendente de deseñar un novo proxecto de capital, en función da regulamentación que estableza o novo decreto lei anunciado esta semana pola ministra de Economía e Facenda para o mes de febreiro. Dous meses despois do seu nacemento, Novacaixagalicia rexistra, ao peche de 2010, un beneficio despois de impostos de 144 millóns de euros.