PORTOS DE GALICIA COLABORARÁ COA CRUZ VERMELLA EN MATERIA DE SEGURIDADE MARÍTIMO PORTUARIA

O presidente do ente público, José Manuel Álvarez-Campana e a súa homóloga na institución humanitaria en Galicia, Carmen Colmeiro, asinaron hoxe un convenio.-

  • A primeira acción a desenvolver é a cesión dun edificio portuario en Sada para a prestación de primeiros auxilios

Portos de Galicia e a Cruz Vermella autonómica veñen de asinar un acordo de colaboración en materia de seguridade marítimo portuaria. O convenio foi asinado esta mesma mañá na sede do ente público polo presidente do mesmo, José Manuel Álvarez-Campana, e a súa homóloga na institución humanitaria a nivel autonómico, Carmen Colmeiro. A finalidade é estreitar as relacións, aunar esforzos e establecer normas amplas de actuación para materias comúns entre Portos de Galicia e Cruz Roja. Ademais reforzaranse lazos de cara a colaboración mutua en materias de interese para ambas entidades, como a seguridade e salvagarda en actividades marítimo portuarias. Entre as funcións da Cruz Vermella atópanse varias relativas ao ámbito de Portos de Galicia como é salvamento, asistencia e busca de persoas que se atopen en perigo no mar, remolque de embarcacións en risco, loita contra a contaminación e vixilancia preventiva dos servizos náutico recreativos
A primeira acción a desenvolver no marco deste convenio de colaboración é a cesión, xa formalizada, dun inmoble das instalacións portuarias de Sada, destinado á actividades relacionadas cos primeiros auxilios, socorrismo e seguridade no mar. A proposta de acordo, elaborada por Portos de Galicia, ten por obxectivo reducir os riscos e incrementar a velocidade de resposta en situacións de perigo, para unha maior eficiencia. Ademais de reforzar a seguridade, Portos de Galicia proxecta un uso formativo das instalacións que porá a disposición de Cruz Vermella. Así, a organización poderá incluír nos usos do edificio, programas de formación en primeiros auxilios, propios ou coordinados co ente público, destinados aos traballadores das zonas portuarias. A cesión do inmoble produciríase por un tempo limitado, ata o 31 de decembro de 2015, aínda que con posibilidade de prórroga. En ningún caso suporía unha cesión patrimonial nin un cambio de titularidade.

About Vgomagazine

Revista Online.

Deja una respuesta

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Salir /  Cambiar )

Imagen de Twitter

Estás comentando usando tu cuenta de Twitter. Salir /  Cambiar )

Foto de Facebook

Estás comentando usando tu cuenta de Facebook. Salir /  Cambiar )

Conectando a %s

A %d blogueros les gusta esto: