Noticias Ayuntamiento de Vigo – 18-03-11 Galicia


O alcalde inaugura a rúa Pi y Margall, cun investimento de 3 millóns de euros e 5 quilómetros de redes de servizos cambiados

Abel Caballero acudiu hoxe venres á inauguración oficial da humanización de Pi y Margall, máis de 3 millóns de euros de investimento e máis de 5 quilómetros de redes soterradas renovadas, entre o abastecemento, o saneamento e as canalizacións de augas pluviais. O alcalde agradeceu “infinito” a “paciencia” dos veciños e disculpouse polos inconvintes dunha obra “moi complicada”, que ao tempo xerou unha “gran cantidade de emprego”.


Vigo será a primeira cidade de España en implantar a licitación electrónica desde a “nube”

O alcalde de Vigo, Abel Caballero, anunciou este venres a decisión tomada pola Xunta de Goberno Local, celebrada na mañá de venres, que deu o visto e prace ao contrato asinado entre o Concello e a empresa Vortal S.L para a implantación da contratación electrónica. O alcalde destacou que a iniciativa é unha mostra máis da transparencia nas transaccións que, a partires de agora, serán máis seguras, máis simples e máis rápidas. O aforro estimado é dun millón de euros.


Santi Domínguez inaugura en Castrelos o primeiro xardín sensorial para persoas con discapacidade visual

O tenente de alcalde, Santi Domínguez, inaugurou este venres o primeiro xardín sensorial para persoas con discapacidade visual nos xardíns históricos de Castrelos “un dos espazos máis senlleiros da cidade”. Segundo destacou o nacionalista, esta iniciativa é unha mostra do compromiso de facer de Vigo “unha cidade máis igualitaria” e asegurou que este obxectivo non quedou en meras palabras, senón que se pode “comprobar en iniciativas como esta”.


Caballero cifra en 600.000 euros o aforro cidadá polas bonificacións municipais a 6.400 coches ecolóxicos e de discapacitados

Abel Caballero avanzou neste venres que as exencións do pago do imposto de vehículos por discapacidade supuxeron un aforro de 560.460 euros, ás que engadiu as máis de 823 exencións do 75% desta taxa para os vehículos ecolóxicos e outros 19 para os híbridos, cun aforro de 50.000 euros. O rexedor reiterou de novo o apoio municipal ao coche eléctrico e afirmou que estes non pagarán este imposto.

O BOP publica a rebaixa no 70% das taxas das terrazas e o alcalde estuda ampliala ata o 90%

Abel Caballero explicou que a rebaixa do 70% terá carácter retroactivo desde o 1 de xaneiro e anunciou que non descarta reducir esta porcentaxe de rebaixa ao 90%. O obxectivo da medida, segundo indicou o alcalde, é dar apoio ao sector hostaleiro e ao emprego que xera na cidade polo momento económico que está a vivir.

Xesus López anuncia que o cine súmase á programación do Auditorio Municipal, que incorpora dous novos tipos de abono

O concelleiro de Cultura, Xesus López, presentou este venres a continuación do programa estable de artes escénicas do Auditorio Municipal para os meses de abril, maio e xuño. O nacionalista destacou que o cine súmase ao teatro, á música e á danza, dan man do Cine Club Lumière, ofrecendo unha programación “amplísima e variadísima para todos os públicos como nunca tivo esta cidade”.


Xabier Alonso anuncia a apertura da inscrición para o circuíto de carreiras populares, que terá oito probas

O concelleiro de Deportes, Xabier Alonso, presentou hoxe a terceira edición do Circuíto Cidade de Vigo de Carreiras Populares, que comezará coa proba da Universidade o vindeiro día 27 (10 km Cidade Universitaria) e rematará coa edición número de 50 da Carreira do Pavo, o 18 de decembro.

Obradoiro literario “Nós tamén escritoras”

A Concellería de Igualdade abre o prazo de inscrición para o obradoiro literario gratuito: “Nós tamén escritoras”, destinado a mulleres empadroadas en Vigo, maiores de 18 anos de idade, que teñan a ilusión de principiarse como escritoras, ou saber como pensan as/os que escriben.
Pechada ao tráfico a rúa MANUEL COMINGES

Ponse en coñecemento do público en xeral que por mor das obras de derruba de edificio, a realizar pola empresa COVSA, estará pechada ao tráfico a rúa MANUEL COMINGES, á altura das Carneiras(Castrelos), con acceso exclusivo para garaxes, dende o mércores 23 de marzo de 2011 ás 10:00 horas e por un período aproximado de dous días.

Día Mundial da Poesía

O vindeiro luns 21 de marzo conmemórase o Día Mundial da Poesía. Para celebrar dito acontecemento, o museo Verbum – Casa das Palabras únese ás distintas celebracións con varias propostas para o día 18 e o día 20.

Pleno do Concello de Vigo

ORDE DO DIA para a sesión ORDINARIA que terá lugar o día 21 de MARZO de 2011, ás NOVE HORAS, no salón de Plenos deste Concello
                   

Acerca de Vgomagazine

Revista Online.

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Salir /  Cambiar )

Google photo

Estás comentando usando tu cuenta de Google. Salir /  Cambiar )

Imagen de Twitter

Estás comentando usando tu cuenta de Twitter. Salir /  Cambiar )

Foto de Facebook

Estás comentando usando tu cuenta de Facebook. Salir /  Cambiar )

Conectando a %s

A %d blogueros les gusta esto: