O PP DE SALCEDA DE CASELAS COMEZA UNHA ROLDA DE REUNIÓNS INFORMATIVAS POLAS DIFERENTES PARROQUIAS DO MUNICIPIO

Este luns a cita será en Soutelo ás 21.00 horas, onde Santiago Rodriguez Davila, acompañado dos membros do Comité Local, tratará temas de actualidade no Concello, escoitando tamén as demandas e propostas dos veciños, tentando responder a todas as dúbidas que poidan xurdir.-O Partido Popular de Salceda de Caselas comeza o vindeiro luns, 21 de marzo, en Soutelo ás 21.00 horas unha rolda de reunións informativas por todas as parroquias do municipio.  Trátase de facer un achegamento aos veciños para escoitar as súas inquedanzas, necesidades e propostas, respondendo á vez a todas aquelas dúbidas que poidan xurdir e afondando nos temas de actualidade do Concello como poden ser os terreos para a construción do novo centro de saúde, as obras executadas pola Deputación de Pontevedra, o despilfarro en soldos do Goberno local, así como tamén as promesas incumpridas deste bipartito. Así mesmo, presentaranse ás persoas que irán na lista de cara aos vindeiros comicios do 22 de maio en representación de cada parroquia e anunciaranse próximas reunións con cada asociación de  veciños para formalizar o programa electoral. En todas estas reunións o presidente do PP local e candidato á Alcaldía, Santiago Rodríguez Davila, estará acompañado doutros concelleiros do PP, así como de membros do Comité Local e de Novas Xeracións.