Á venda os abonos para a segunda parte da temporada de teatro en Vigo

  O programa inclúe catro títulos do mellor teatro español 
      Sobre as táboas estarán actores como Carlos Hipólito, Héctor Alterio ou Vicky Peña
 . Novacaixagalicia inicia este martes, día 5 de abril, a venda dos abonos para a segunda parte da temporada de teatro en Vigo. O programa ofrece a oportunidade de gozar de catro propostas teatrais de gran nivel, postas en escena polas mellores produtoras do país e dirixidas por grandes directores como Claudio Tolcachir, José Carlos Plaza, Mario Gas e Ernesto Arias.
 Os interesados en adquirir os abonos, que supoñen un desconto do 10% respecto ao prezo individual de cada función, poden facelo ata o martes 12 de abril a través das canles de venta habituais: www.servinova.com e o despacho de billetes telefónico 902 504 500.