NCG eleva a 5.275 millóns o seu capital principal tras incorporar o FROB como accionista temporal

O FROB cobre a ampliación de capital e asina unha opción de compra en favor de NCG

–Ademais de atraer investidores privados, a caixa proponse tomar o 15% do banco

–   NCG alcanza unha cota do 46,7% do aforro galego e do 2,82% do total de España

–NCG Banco prioriza nos seus estatutos o dividendo da OBS e a economía de Galicia

30.09.2011. A xunta de accionistas de NCG Banco aprobou esta mañá unha ampliación de capital por importe de 2.465 millóns de euros para dar entrada ao Fondo de Reestruturación Ordenada Bancaria (FROB) como investidor externo temporal. A ampliación eleva o capital principal ata os 5.275 millóns de euros e alcanza un cociente do 10,45%, o que lle permite cumprir cos requirimentos de capitalización lexislados en febreiro para o sector financeiro español.