A ponte festiva réstalle incidencia á primeira xornada de folga en Povisa

A partir do luns poderase comprobar o seguimento real do paro      convocado para rexeitar o despedimento de 27 traballadoras/es da      limpeza A ponte festiva restoulle incidencia á primeira xornada da folga      indefinida convocada en Povisa polo despedimento de 27      empregadas/os da limpeza xa que moitos dos servizos do centro      médico vigués atópanse pechados. Dende a CIG entenden que até o      luns non se poderá saber cal é o seguimento real do paro.

A folga non está a ter moita repercusión na súa primeira xornada      xa que moitos dos servizos do centro atópanse pechados. Con todo,      algúns traballadores/as secundaron o paro e participaron na      concentración convocada ás portas do hospital que se prolongou até      as 17.00 horas. Dende a CIG explicaron que os representantes do comité de empresa      mantiveron unha xuntanza zo xefe de persoal de Povisa para      trasladarlle unha proposta que permita desbloquear o conflito.      «Dixémoslle que estamos dispostas/os a conxelar os salarios en      2012, a retirar a demanda da CIG polos atrasos e a desconvocar a      folga pero non lles parece suficiente; o que queren é ir ao      convenio provincial, baixar os salarios e reducir a xornada»,      explica María Xesús Neira, a secretaria da sección sindical da CIG      en Povisa.
Diante disto, nos vindeiros días anunciarán novas mobilizacións.      Esta fin de semana levarán a cabo máis concentración fronte ao      centro médico entre as 10.00 e as 12.00 horas e a partir das 15.00      horas.