A XUNTA DESTINARÁ MÁIS DE 4,5 MILLÓNS DE EUROS ÁS FEDERACIÓNS DEPORTIVAS GALEGAS NO ANO 2012

O secretario xeral para o Deporte asina os convenios coas Federacións deportivas con sede en Vigo, Pontevedra e Ourense

  • Ao igual que o ano 2011, os convenios terán tramitación anticipada de gasto, o que posibilitará un máis pronto cobro das axudas por parte de cada unha das entidades deportivas beneficiarias

Vigo, 19 de xaneiro de 2012.- A Xunta de Galicia destina máis de 4,5 millóns de euros á colaboración coas federacións deportivas ao longo do ano 2012. O secretario xeral para o Deporte, José Ramón Lete Lasa, asinou hoxe na cidade olívica os convenios de colaboración coas federacións que teñen sede en Vigo, Pontevedra e Ourense.  Deste xeito, a Xunta asina con cada unha das federacións deportivas existentes na comunidade os distintos convenios que prevén o desenvolvemento das competicións, a participación das seleccións galegas, o fomento do deporte feminino e da respectiva modalidade deportiva entre persoas con algunha discapacidade, o fomento do deporte base, a tecnificación (programas de adestramento e competición), a actividade deportiva en idade escolar e outros proxectos de especial relevancia no ámbito das distintas federacións deportivas.

Tramitación anticipada do gasto

Da mesma forma que o último ano, os convenios de colaboración coas federacións deportivas tramitaranse con procedemento anticipado de gasto, o que posibilita asinar estes convenios xa no mes de xaneiro, e así un máis pronto cobro das axudas por parte de cada unha das entidades beneficiarias. Esta medida de optimización na xestión, pretende axudar a compensar o impacto da actual conxuntura económica nas entidades federativas e así poder garantir o normal desenvolvemento da actividade federativa para o ano 2012

Axudas a clubs

A subscrición destes convenios continúan coa aposta da Secretaría Xeral para o Deporte pola actividade deportiva en Galicia, sumándose a recentemente publicada convocatoria de axudas a clubs, por un importe de máis de 3.000.000 de euros, e ao Plan de patrocinios, dotado con 2.000.000 de euros, asinado o pasado mes de decembro cos equipos de alta competición de Galicia.

About Vgomagazine

Revista Online.

Deja una respuesta

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Salir /  Cambiar )

Imagen de Twitter

Estás comentando usando tu cuenta de Twitter. Salir /  Cambiar )

Foto de Facebook

Estás comentando usando tu cuenta de Facebook. Salir /  Cambiar )

Conectando a %s

A %d blogueros les gusta esto: