A CIG lembra que as reducións de xornada no hospital vigués Povisa non están a ser voluntarias

  Parte do comité de empresa compareceu      hoxe para desmentir as últimas afirmacións da dirección do centro      médico    Dende a sección sindical da CIG de      Povisa, que compareceu hoxe xunto a representantes doutras      centrais      que integran o comité de empresa, lembraron que as reducións de      xornada no hospital Povisa están a ser impostas e non son      voluntarias como afirmou recentemente a dirección do centro médico      vigués. O sindicato nacionalista denuncia que a compañía ameazou      con realizar 26 despedimentos aplicando a reforma laboral se      auxiliares e celadores non acataban a decisión.    A representante da CIG, María Xesús      Neira, incidiu na gravidade da medida adoptada pola dirección de      Povisa xa que a modificación da xornada será para a toda a vida      laboral dos traballadores/as e “afectará tamén aos contratos que      se asinen a partir de agora”. Neira advertiu que aínda que polo de      agora a medida afectou só a uns 200 empregados/as “a intención da      empresa e aplicarlle reducións de xornada a todo o cadro de      persoal”. Neste senso, lembrou que con      anterioridade tocoulle ao colectivo de limpadoras/es. Nun primeiro      momento a dirección ofreceulles a redución a cambio de non      despedir, pero finalmente botou á rúa a 27 persoas e      subcontratoulle o servizo a unha empresa con moito menos persoal.      “Isto está a afectar á calidade do servizo”, critican dende a      CIG. A modificación que aplican agora tamén      contempla a flexibilidade horaria, polo que os traballadores/as      poderán ter distintos horarios. A xuízo da central nacionalista      isto vai provocar que haxa momentos nos que o persoal sexa      insuficiente, “como acontece no verán cando non substitúen á      xente ou fano con persoas con xornada reducida”.

Salarios de hai catro anos

Segundo estimacións da CIG, a redución      de xornada suporá unha baixada media dos salarios dun 12,5%, “o      que sumado ao 5% dos incentivos que xa nos quitaron, máis os      atrasos      que non nos queren pagar e a conxelación salarial de dous anos,      supón volver a niveis salariais de hai catro anos”. Neira comentou      que houbo algunhas persoas que se negaron a asinar a proposta e a      empresa xa lles comunicou que podían rescindir os seus contratos e      percibir unha indemnización de 20 días por ano traballado cun      máximo de 12 mensualidades. Finalmente, indicou que agardarán a      ver      o seguimento da folga xeral do 29 de marzo para convocar novas      mobilizacións.

Acerca de Vgomagazine

Revista Online.

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Salir /  Cambiar )

Google photo

Estás comentando usando tu cuenta de Google. Salir /  Cambiar )

Imagen de Twitter

Estás comentando usando tu cuenta de Twitter. Salir /  Cambiar )

Foto de Facebook

Estás comentando usando tu cuenta de Facebook. Salir /  Cambiar )

Conectando a %s

A %d blogueros les gusta esto: