Concello de Vigo 02-07-12

O alcalde anuncia a adxudicación de 2,7 millóns de euros para xeración de emprego «Vigo é a única cidade que conta cun plan de emprego, nun momento no que as administracións con competencias están dando pasos atrás». Con estas verbas se referiu o alcalde de Vigo aos 2,7 millóns de euros que a Mesa Local de Emprego adxudicou esta mañá para que entidades sociais, comerciais, veciñais e educativas desenvolvan planes de emprego.

 

O goberno local adxudica o servizo de información cidadá 010 que no 2011 fixo 300.000 intervencións O alcalde de Vigo explicou esta mañá que a empresa Outsourcing Signo Grupo Norte SA é a que mellor oferta presentou no concurso aberto de atención cidadá a través da liña telefónica do 010. A Xunta local de goberno do pasado venres un contrato por 4 anos, a unha proposta de 739.000 euros, un 5% menos do orzamento base de licitación, situado en 771.742 euros.

 

Caballero felicita aos vigueses «Telmo Peluqueros», campións de Europa de fútbol 7 O alcalde de Vigo recibiu hoxe luns ao equipo «Telmo Peluqueros», formación viguesa que ven de proclamarse campións de Europa na modalidade de fútbol 7, en representación de España. O campionato celebrouse en Austria e Suiza entre o 24 e o 27 de maio.

 

O Club Montañeiros Celtas celebra o seu 70 aniversario O alcalde de Vigo mantivo hoxe luns un encontro cos responsables do Club Montañeiros Celtas, entidade constituída en 1942 ao abeiro da Sección de Montaña do Real Club Celta de Vigo. Abel Caballero felicitou ao club pola súa exitosa traxectoria cultural e deportiva, que converteuno no maior de Galicia con máis de mil socios.