A REDE EUSUMO DE FOMENTO DO COOPERATIVISMO CONTA XA CON 22 PUNTOS DE ASESORAMENTO EN GALICIA

  • O director xeral de Traballo e Economía Social, Odilo Martiñá, inaugurou hoxe a xornada “Cooperar, unha opción con futuro”
  • Na súa intervención, destacou a creación da Rede Eusumo, o primeiro entramado específico de servizos de promoción e asesoramento destinado á economía social na comunidade autónoma
  • Os principais obxectivos da Rede son a posta en marcha de novos proxectos cooperativos, así como consolidar as empresas de economía social xa existentes mediante a mellora da súa competitividade
  • Ao longo desta lexislatura déronse de alta en Galicia 168 novas cooperativas, un 75 por cento máis que na lexislatura anterior

Santiago, 18 de decembro de 2012.- A rede Eusumo de fomento do cooperativismo, promovida e creada pola Consellería de Traballo e Benestar, conta xa con 22 puntos de asesoramento en Galicia. Estes centros e oficinas de fomento cooperativo foron postos en marcha mediante a colaboración con distintas entidades e agrupacións de concellos.

 

O director xeral de Traballo e Economía Social, Odilo Martiñá, inaugurou hoxe en Santiago a xornada “Cooperar, unha opción con futuro”. Na súa intervención, centrouse na creación da rede Eusumo, o primeiro entramado específico de servizos de promoción e asesoramento destinado á economía social na comunidade autónoma. Neste sentido, lembrou que en novembro aprobouse o decreto que permite consolidar e ampliar este programa, ao tempo que lle outorga un carácter estable.

 

Os principais obxectivos desta rede son a posta en marcha de novos proxectos cooperativos, como motores da creación de emprego; e, por outra banda, a consolidación das empresas de economía social existentes mediante a mellora da súa competitividade.

 

Para acadar estas metas, a rede ocúpase de achegar información e asesoramento especializado a desempregados, cooperativistas, emprendedores e cidadanía en xeral, prestando especial atención aos procesos de acompañamento de proxectos.

 

As entidades colaboradoras da rede son, e serán, aquelas que teñan interese no desenvolvemento da economía social, no apoio ao emprendemento ou no desenvolvemento local, e que poñan a disposición da rede Eusumo algún dos medios e recursos dos que dispoñan, tales como infraestruturas e servizos.

 

Poderán ser entidades colaboradoras desta Rede as administracións públicas; as asociacións de cooperativas e de sociedades laborais; as sociedades cooperativas galegas; as fundacións e asociacións; as universidades -a través dos seus centros colaboradores-; as cámaras de comercio e outras entidades sen ánimo de lucro.

 

Unha das características do modelo de funcionamento da Rede é o feito de que explora no territorio, tratando de atopar espazos de oportunidade. Este traballo realízase a partir de entrevistas e contactos con diferentes axentes e coa conformación de grupos de traballo. Nestes grupos analízanse as potencialidades do sector, preséntanse as fórmulas da economía social para apreciar en que medida poden adaptarse ao mesmo e realízase formación práctica en habilidades de traballo en equipo e participación.

 

Os servizos sociais e a atención a persoas en situación de dependencia son un dos eidos potenciais de creación de emprego en Galicia. En liña coa potenciación destes sectores, a Rede Eusumo ofrece un apoio específico para fomentar empresas de economía social nos mesmos.

 

Proba de que -como é o lema da xornada- as cooperativas son unha “opción con futuro” é que ao longo desta lexislatura déronse de alta en Galicia 168 novas cooperativas, cun total de 4.106 socios. Isto supón un incremento do 75% en relación coas cooperativas creadas na lexislatura anterior, e un incremento do 109% en relación co número de socios.

 

Xornada sobre cooperativas

Ademais da rede Eusumo, as xornadas que se están a celebrar hoxe abordan outros temas de interese no eido cooperativo. Entre outros asuntos, estase a tratar a dinamización do emprego e o impulso á internacionalización, a través de proxectos como o Coopera +, da Xunta de Galicia.

 

Outras ponencias e mesas técnicas están a centrarse en temas como as oportunidades cooperativas fronte á crise;  a internacionalización, tamén para as pequenas empresas; ou ferramentas para a comercialización a través de aplicacións TIC para o fomento do e-commerce.

 

Acerca de Vgomagazine

Revista Online.

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Salir /  Cambiar )

Google photo

Estás comentando usando tu cuenta de Google. Salir /  Cambiar )

Imagen de Twitter

Estás comentando usando tu cuenta de Twitter. Salir /  Cambiar )

Foto de Facebook

Estás comentando usando tu cuenta de Facebook. Salir /  Cambiar )

Conectando a %s

A %d blogueros les gusta esto: