María José Bravo Bosch participará no acto de entrega de máis de 350 regalos educativos do catálogo Netclub de NGB destinados aos centros de menores da provincia de Pontevedra.

b  A Xunta de Galicia recibiu esta mañá de mans de Novagalicia Banco máis de 350 regalos educativos do seu catálogo Netclub para repartir a un total de 25 centros de menores da provincia de Pontevedra e dos que ao redor do 80% están ubicados na cidade de Vigo e a súa área.

Os beneficiarios do material serán uns 456 nenos e nenas menores de 16 anos tutelados pola Administración autonómica nos centros que ten na provincia, os cales seleccionaron os artigos de forma persoal para que fosen acordes a cada un dos nenos e nenas. A grande maioría dos regalos entregados á Xunta de Galicia son libros, aínda que tamén hai xogos educativos e produtos solidarios.

Ao acto celebrado esta mañá na oficina principal da entidade na cidade olívica acudiu a delegada territorial da Xunta en Vigo, María José Bravo Bosch, así coma os responsables da Xefatura Territorial e do servizo de menores da Consellería de Traballo e Benestar. Por parte de Novagalicia, estiveron presentes Paz Comesaña Pérez, directora de Marketing e Desenvolvemento de  Negocio; Manuel Nogueira Fernández, director de Desenvolvemento de Negocio Particulares e Empresas; e María del Río González, directora de Publicidade