Concello de Vigo

 

O goberno de Vigo paraliza a retirada dos dispositivos aos beneficiarios da teleasistencia Así o anunciou hoxe mércores o alcalde, despois de que a empresa retirase preto dun centenar de aparatos tras a decisión da Deputación e do Goberno de España de eliminar a prestación deste servizo na cidade. Caballero estima que o próximo martes iniciarase a reposición dos mesmos aos usuarios, agora pagado polo Concello.

 

O alcalde presenciou o inicio da desmontaxe do edificio Bandeira para converterse nun centro comercial Os traballos de desmontaxe do edificio Bandeira comezaron hoxe mércores, para gañar tempo mentres se tramita a licenza de nova edificiación do futuro centro comercial. Tal e como explicou o rexedor, reconstruirase o edificio cunha pequena variación no espacio para ampliar a rúa Vizcaia e humanizaránse, ademais desta rúa, a Extremadura e Aragón.

 

O Concello inicia o proceso para derrubar o edificio do Castelo e descubrir a muralla do Castro Segundo informou Caballero, o goberno local está inmerso no proceso técnico para derrubar o edificio do Castelo e, unha vez aprobado o orzamento municipal, licitar e contratar os traballos para «descubrir de novo a muralla» do Castelo do Castro. O alcalde estima que en seis meses podería estar rematado o derrubo.

 

Caballero anuncia a plantación de tres árbores por cada un afectado polo temporal O alcalde explicou este mércores que o temporal de vento e choiva dos últimos días derrubou alguns exemplares, singularmente no Castro e Samil, ante o que o Concello reporá cada un afectado con tres novas unidades, neste caso, 27 e 9 árbores respectivamente.

 

O «Cidade de Vigo» de violín e violonchelo traerá ao Mercantil a 36 participantes de toda Galicia O alcalde presentou este mércores cos seus organizadores este evento, que terá lugar do 4 ao 6 setembro no Círculo Mercantil da cidade. Trátase dun concurso de ámbito galego que, na súa segunda edición, engade o violonchelo e contará con 36 instrumentistas de ata 19 anos.

 

O Concello apoiará á Asociación de Diabéticos sufragando o local e planificando actividades O alcalde reuniuse na tarde de onte martes con representantes da devandita asociación viguesa, que reúne a 1.000 afiliados. Caballero anunciou «cooperación activa» para conveniar o coste do seu local e elaborar un «programa integral de apoyo» ao colectivo en cuestións non médicas.

 

«La educación prohibida» A «Rede de Mulleres contra os Malos Tratos» programa para o xoves 24, un videoforum coa película documental «La educación prohibida». Será ás 18 horas no Centro de Documentación e Recursos Feministas de Vigo, na rúa Joaquin Yáñez 6, 2º andar.