DAN COMENZO OS CURSOS DE INFORMÁTICA NO CDL DE “O TORRÓN” O centro acolle semanalmente máis de 200 alumnos.

Este martes deron comenzo no CDL de O Torrón os dous cursos de informática incluidos no Plan de Formación Municipal da Concellería de Emprego e Formación de Salceda.

Informática básica e Búsqueda de Emprego por Internet son as accións formativas coas que se pretende que os desempregados teñan as nocións básicas para o manexo do ordenador e búsqueda de emprego a través das novas tecnoloxías.

Dende hoxe e ata o mes de Xuño a Aula de Novas Tecnoloxías do CDL acollerá a máis de 100 alumnos que se formarán nestas duas especialidades en varias quendas.

O aumento de actividade do centro é palpable, xa que alberga semanalmente a máis de 200 alumnos que se están formando en cursos como o de preparación do Graduado en ESO, Informática Básica, Búsqueda de Emprego por Internet e nas próximas semanas terá lugar outra edicción dos cursos de Manipulador de Alimentos e Manexo da Carretilla Elevadora (os alumnos destes dous últimos  serán convocados da lista de espera da última convocatoria do Plan de Formación).

Marina Cabaleiro, tenente alcalde e responsable desta área, apostamos pola formación para que os desempregados de Salceda teñan máis facilidades para acceder ao mercado laboral, seguiremos adicando todos os nosos esforzos para que a pesar de que a Xunta non destine recursos nesta materia ao Concello, os nosos desempregados poidan estar nas mesmas condicións a hora de competir por un posto de traballo”.