A RENDA BÁSICA DAS IGUAIS e presentación do Estudo de viabilidade da Renda Básica das iguais en Galiza – Xoves 31 – 11h30 – VIGO

A Oficina de Dereitos Sociais de Coia, xunto ao Grupo de Autoapoio IMÁN – CEDRO e a Baladre quremos facer público que o vindeiroXOVES 31 de XANEIRO, ás 11h30 no salón de actos do Centro Cívico “Casco Vello” (Rúa Oliva 12, Vigo) realizaremos unha CHARLA sobre “A RENDA BÁSICA DAS IGUAIS”, así como apresentación do libro “REPARTINDO A NOSA RIQUEZA. Estudo de viabilidade da Renda Básica das Iguais en Galiza”.

A charla será a cargo de Diego Lores, da Oficina de Dereitos Sociais de Coia, de Manolo Sáez Bayona e de José Iglesias de BALADRE.

Na charla abordaráse a proposta realizada por estes colectivos de instaurar unha RENDA BÁSICA DAS IGUAIS que consiste no dereito que ten cada persoa a percibir periódicamente uns ingresos que lle permitan cubrir as súas necesidades e terá que percibirse de xeito individual, universal e incondicional.

As vías para alcanzar os ingresos necesarios para a implantación deste dereito consisten na reasignación do gasto público e na reforma do sistema fiscal, gravando máis aos grandes capitais.

Sobre esta idea un grupo de persoas de diversos colectivos colaboraron na redacción e publicación do libro que se presentará o xoves: “REPARTINDO A NOSA RIQUEZA” no que se realiza un estudo de viabilidad económica real da RBis en Galiza, a 15 anos vista e en tres fases de 5 anos cada unha.

O libro está coordinado por Diego Lores Correa, Enrique García Escamilla e Manuel Sáez Bayona e editado por BALADRE, ZAMBRA, LAPSUS, OFICINA DE DEREITOS SOCIAIS-COIA e GRUPO DE AXITACIÓN SOCIAL.

Podedes adquirilo a un prezo de 10 €.

Pola tarde ás 20h30 pechamos a 1ª semana galega pola RBis no A.C. Bou Eva (rúa Terzo de Fóra 12, Vigo)