RAVO BOSCH TRASLADA O APOIO DA XUNTA DE GALICIA AO CORUXO FC, QUE CONTA CON MÁIS DE 560 DEPORTISTAS EN TODOS OS SEUS EQUIPOS

 

• 
• A delegada territorial da Xunta en Vigo recibiu esta tarde á directiva do clube vigués, a quen felicitou polos bos resultados e clasificación na segunda división B. 

Vigo, 04 de febreiro de 2013.- A delegada territorial da Xunta en Vigo, María José Bravo Bosch, mantivo esta tarde un primeiro encontro institucional coa directiva do Coruxo FC co obxectivo de coñecer o seu importante labor nas súas seccións deportivas.

O seu presidente, Gustavo Falqué, acompañado de Manuel Falqué, Pachi Comesaña e Joan Rodríguez, membros da directiva, déronlle a coñecer á delegada o proxecto deportivo do Coruxo FC, que conta con máis de 560 deportistas repartidos entre todos os seus equipos e onde destaca tamén a súa Escola de Fútbol.

Bravo Bosch trasladoulles así todo o apoio e colaboración da Xunta de Galicia polo seu bo facer nos ámbitos deportivos que desenrola e que non só se cinguen no fútbol do seu primeiro equipo senón que tamén contan con fútbol-11 en feminino, canteira de equipos de fútbol-7 e fútbol-11 ademais dunha sección propia de patinaxe.

 

Con todo, a delegada, quen destacou a historia e distincións logradas polo clube nos últimos anos, resaltou sobre todo os bos resultados e a boa clasificación conseguida polo primeiro equipo na segunda división B, onde nestes momentos se atopan en quinta posición con 39 puntos.