Iolanda Veloso salienta a necesidade de defender o ensino público como dereito fronte aos ataques do PP

descarga (4)Vigo, 6 de febreiro de 2013.-  A portavoz municipal do BNG, Iolanda Veloso, destacou a ne  

cesidade de defender o ensino público fronte aos continuos ataques do Partido Popular, que se plasman na nova lei de educación impulsada polo ministro Wertz. Así explicou a nacionalista o respaldo do Bloque Nacionalista Galego á mobilización convocada para hoxe en todas as cidades galegas.

Iolanda Veloso criticou que o “único obxectivo” da LOMCE é “privatizar e españolizar o ensino”, recortando máis o profesorado e diminuíndo as dotacións precisas para atender á diversidade e ás necesidades educativas especiais, que ao seu xuízo provocan o desmantelamento da educación pública.

Para a portavoz nacionalista, a reforma educativa que tenta impulsar o ministro Wert é “tremendamente regresiva”, ao relegar as linguas cooficiais e impulsar a segregación. “Este proxecto vai ser unha desfeita para todo o país, polo que temos que paralo entre todos e todas”, apuntou.

 

Exemplo de Vigo

Segundo explicou, Vigo é un “claro exemplo” das políticas de recortes no ensino, xa que a cidade experimentou unha redución nas liñas educativas e un aumento da ratio de alumnado. “Pero non só atopamos menos profesorado e menos recursos, tamén hai recortes na achega da Xunta a Foampas para a xestión dos comedores escolares”, denunciou.

 

Neste sentido, a portavoz nacionalista lembrou que para o BNG é unha “demanda histórica” que a Consellería de Educación asuma a xestión dos comedores escolares. “Fronte a isto, a Xunta non só non asume senón que reduce a achega”,  comentou.

 

About Vgomagazine

Revista Online.

Deja una respuesta

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Salir /  Cambiar )

Imagen de Twitter

Estás comentando usando tu cuenta de Twitter. Salir /  Cambiar )

Foto de Facebook

Estás comentando usando tu cuenta de Facebook. Salir /  Cambiar )

Conectando a %s

A %d blogueros les gusta esto: