Concello de Vigo

O rexedor entrega a 42 alumnos os diplomas da segunda fase do programa «Imos Traballar» 42 alumnos do programa «Imos Traballar 2» veñen de recoller os seus diplomas logo dun periodo formativo remunerado que lles permitirá mellorar as súas perspectivas laborais. Cun orzamento de 1,7 millóns de euros, o obxectivo desta iniciativa é promover a inserción laboral dos colectivos máis desfavorecidos.

 

O goberno local homenaxeará aos 1.200 voluntarios municipais o próximo 27 de abril O alcalde de Vigo, despois dunha reunión con representantes do colectivo, anunciou a organización dunha xornada para agradecer o compromiso dos case 1.200 voluntarios inscritos na Oficina Municipal de Voluntariado e fomentar a participación da cidade.

 

Caballero anima á cidade a presenciar mañá no Pavillón de Navia o partido Celta-Oporto de fútbol indoor Mañá venres, 5 de abril, enfrontaránse o Celta e o Oporto nun partido de fútbol indoor que comezará as 20,45 horas no Pavillón de Navia. Neste terceiro partido da Liga Nacional, o Celta contará coa presenza de dos emblemas do celtismo: Everton Giovanella e Michel Salgado.

 

O goberno local mantén unha reunión co Rápido de Bouzas pola celebración do seu centenario O alcalde, Abel Caballero, presidiu este xoves unha reunión cos responsables do club vigués, vicedecano do fútbol galego que a próxima tempada cumplirá cen anos e prevé, en colaboración co Concello, a realización dunha serie de actividades para conmemorar esta data.

 

Arranca a programación no Auditorio municipal para abril e maio 18 espectáculos musicais, teatrais e de danza para todos os públicos e con prezos máximos de 7 euros conforman a programación do Auditorio Municipal para abril e maio. 13 destas actuacións forman parte da Rede Galega de Teatros e Auditorios.

 

Ampliación da exposición «Arquivo Fotográfico Pacheco. Arquivo vivo» Dado o elevado interese espertado entre os cidadáns, como demostran as preto de 5.500 visitas recibidas dende a súa inauguración, a exposición «Arquivo Fotográfico Pacheco. Arquivo vivo» amplíase ata o domingo 5 de maio, na planta baixa da Casa das Artes (rúa Policarpo Sanz, 15.

 

Xunta de Goberno Local

 

Consello da Xerencia Municipal de Urbanismo