ROSA QUINTANA: “A XUNTA SEGUIRÁ DEFENDENDO O CARÁCTER ESTRATÉXICO DA PRODUCIÓN PRIMARIA GALEGA”

Desde o convencemento de que “o noso rural e o noso mar teñen futuro”, a conselleira defendeu un traballo baseado no “realismo de análise e actuación”, co fin de “contribuír, desde os sectores primarios, a que Galicia saia da crise”

Rosa Quintana lembrou que a Xunta veu apostando forte por manter as capacidades produtivas do sector primario coa achega de arredor de 1.600 millóns de euros na pasada lexislatura en investimentos e axudas para fomentar a competitividade e a sostibilidade ambiental, social e económica.