O Programa ReExport mobilizará 8 millóns de euros para impulsar as exportacións das pemes galegas
|
O Programa ReExport, de acordo coas bases reguladoras publicadas no Diario Oficial de Galicia, facilitará a mobilización de 8 millóns de euros en préstamos destinados a impulsar as exportacións das empresas galegas.
Mediante a concesión de avais do 50%, este programa impulsado pola Consellería de Economía e Industria a través do Igape, poderá facilitar o financiamento dos custos das operacións destinadas a iniciar ou consolidar as vendas en mercados exteriores.
Os avais concedidos polo Igape ao abeiro deste programa garantirán operacións de financiamento de materias primas para a fabricación dos produtos a exportar e de gastos derivados dos procesos de envasado e preparación para o envío ao exterior; do mesmo xeito, as axudas facilitarán o cobro anticipado dos importes das exportacións contratadas e materializadas.
|
|
| www.igape.es | |
VGO MAgazine 