73.200 dos 75.200 clientes con híbridos de NCG Banco recuperan liquidez

O banco con sé en Galicia informará dos datos definitivos o martes

·      Cada cliente recupera de media en diñeiro en efectivo un 84% do seu investimento

·      Un total de 154 clientes recuperaron o seu diñeiro a través de sentenzas xudiciais

13.07.2013. 73.227 dos 75.266 clientes de NCG Banco con participacións preferentes ou obrigacións subordinadas das antigas caixas galegas, o 97,2% do total, obteñen diñeiro en efectivo polos seus produtos. É a primeira estimación provisional tralo proceso de troco e liquidez concluído ás 14.00 horas de onte. NCG Banco ofrecerá datos definitivos e oficiais a partir do martes.

Os antigos clientes de híbridos das caixas recuperan, en diñeiro en efectivo e en término medio por cliente, un 84% do importe inicial investido, a cifra máis elevada de todas as entidades con respaldo público de capital. A porcentaxe de recuperación de liquidez ten en conta os abonos do 100% do nominal en arbitraxes, os trocos e liquidez e a diferenza neta de intereses percibidos polos clientes.