Máis de 240 mozos benefícianse dos programas de fomento da música clásica da Fundación Novacaixagalicia

A Fundación Novacaixagalicia acaba de achegar un balance con respecto aos seus programas de fomento da música clásica neste primeiro semestre 2013 en que se desprende unha boa resposta do público máis novo a estas iniciativas. O programa «Quedamos no palco, quedamos coa clásica», que procura inculcar o gusto pola música clásica aos máis novos, achegou aos seis concertos desta tempada a máis de 240 rapaces de ESO e de Bacharelato procedentes dunha ducia de centros das zonas de Pontevedra e Vigo, urbes nas que se desenvolven os programas de música clásica da Fundación Galega.