Os clientes de Novagalicia aumentan un 38% a súa actividade comercial en oficinas que abren pola tarde

102 sucursais retoman o horario de mañá e tarde, tras o verán

• ·         O 89% dos clientes valora positivamente abrir polas tardes
• ·         O banco tamén amplía horario das súas 550 sucursais ata as 14.30h

30.09.2013. 102 oficinas de Novagalicia Banco retoman mañá (1 de outubro) o horario de apertura ao público de mañá e tarde, medida implantada o 13 de maio. As oficinas que abren tamén polas tardes incrementaron durante o mes de xuño (único mes completo comparable) un 38% a súa actividade comercial con respecto ao mesmo mes do ano anterior, aumentando na mesma medida a produtividade e o negocio destas 102 sucursais. En 2014, o número de oficinas que abren pola tarde ampliarase a 190, despregadas por case todas as comarcas e localidades con presenza do banco.