Concello de Vigo

 

Caballero amosa a súa “firme convicción da recuperación da economía de Vigo” O alcalde inaugurou hoxe xoves o terceira xornada “Vigo ante o seu futuro”, organizada pola Fundación ProVigo, adicada desta volta aos servizos ao consumidor. Na apertura, Caballero trasladou o “apoio total” do Concello ao comercio e hostelería, e ve signos positivos na marcha da automoción, do naval e da pesca da cidade.

 

A biblioteca Xosé Neira Vilas ofrecerá un sistema de préstamo para discapacitados a través do teléfono A biblioteca municipal Xosé Neira Vilas ofrecerá un servizo de préstamo especial para usuarios con discapacidad motora grave que lles permitirá solicitar préstamos a través do teléfono. Así o explicou hoxe xoves o rexedor durante unha visita ao centro para conmemorar o Día Internacional das Bibliotecas.

 

O Concello respalda con 83.000 euros ao Banco de Alimentos de Vigo, incluíndo o aluguer da nave O alcalde rubricou este xoves o acordo entre o goberno de Vigo e o Banco de Alimentos da cidade para sufragar con 15.000 euros o aluguer do local da entidade, parte dos 83.000 euros que lles achega o Concello este ano. O apoio municipal aos comedores sociais en 2013 suma 423.000 euros, polos 75.000 euros de 2011.

 

Continúa o ciclo ‘Material Memoria’ no MARCO Esta fin de semana continúa no Patio 1 da planta baixa do MARCO ‘Material Memoria’, o programa de artes escénicas e cine comisariado por Pablo Fidalgo Lareo dentro da exposición VERANEANTES. Nesta ocasión, proxectarase a película Ensayo final para utopía, do cineasta hispano-venezolano Andrés Duque, que no pase do venres será presentada por José Manuel López, profesor do curso de cine que actualmente ten lugar no MARCO.

 

Exposición Proxectos na Emao O venres, 25 de outubro, inaugurase unha nova exposición no ESPAZO EMAO dos proxectos realizados polo alumnado que rematou as súas respectivas especialidades de pintura, debuxo, escultura e talla en madeira, serigrafía, gaita, artesanía en coiro, cerámica, deseño e encaixe de palillos

 

Xunta de Goberno Local

 

Consello da Xerencia Municipal de Urbanismo