Arte e obradoiros infantís para o tempo de lecer da Fundación Novacaixagalicia

A proposta de ocio da fundación galega para este Nadal pasa, sen dúbida ningunha, pola visita ás 13 exposicións que ten programadas ao longo do territorio galego e que se localizan nos seus centros socioculturais das principais cidades de Galicia. Dúas destas mostras ofrecen, ademais, obradoiros plásticos para o público infantil e xuvenil durante o período do Nadal. Neste 2013 a entidade, en atención aos seus obxectivos fundacionais de fomento e difusión da cultura nas súas múltiples facetas e manifestacións, programou para a poboación galega un completo programa expositivo que levou ás súas salas máis de 100 000 visitantes e que ofreceu talleres plásticos aparellados a estas mostras para máis de 18 000 nenos galegos.