CINCO CONCELLOS DA ÁREA DE VIGO PARTICIPAN NO PROGRAMA ´CULTURA NO CAMIÑO´, UN CICLO QUE OFRECE 23 ACTUACIÓNS NOS VINDEIROS MESES

 

• Baiona, Nigrán, Mos, Redondela e Soutomaior ofrecerán actuacións de música, teatro infantil, maxia ou novo circo entre os meses de abril, xuño, xullo e agosto.
• O programa ´Cultura no Camiño´ se encadra na conmemoración do VIII Centenario da Peregrinación de San Francisco de Asís a Compostela.
• En colaboración coa actividade cultural dos concellos polos que discorre o Camiño Portugués, encherá de espectáculos culturais para todos os públicos as 5 localidades participantes da área territorial.

 

Vigo, 04 de abril de 2013.- A Consellería de Cultura, Educación e Ordenación Universitaria, a través da Axencia Galega das Industrias Culturais (Agadic) e xunto á Axencia de Turismo de Galicia, poñen en marcha a segunda edición do circuíto ´Cultura no Camiño´, ciclo que se encadra na conmemoración do VIII Centenario da Peregrinación de San Francisco de Asís a Compostela, e que levará un total de 323 actuacións escénicas e musicais a 81 concellos polos que transcorren algunha das rutas xacobeas do Camiño de Santiago.

 

No que respecta aos concellos que pertencen á área territorial de Vigo, son 5 as localidades que participarán nesta iniciativa cultural. Baiona, Nigrán, Mos, Redondela e Soutomaior, municipios por onde discorre o Camiño Portugués ou o Camiño Portugués pola costa formarán parte deste programa cultural ofrecendo un total de 23 actuacións de música, teatro infantil, maxia ou novo circo durante os meses de abril, xuño, xullo e agosto.

 

´Cultura no Camiño´ retoma e reforza deste xeito unha actividade —tivo a súa primeira entrega en outubro de 2013— que encherá de espectáculos culturais para todos os públicos as localidades participantes, todas elas radicadas nas distintas rutas xacobeas e que conseguirán achegar ao público das distintas vilas e cidades parte do inmenso talento artístico co que conta Galicia. Ademais, todos os espectáculos teñen que ser producidos e distribuídos por asociacións culturais, sociedades civís, mercantís ou empresarios individuais con sede na Comunidade autónoma de Galicia.

 

Este ciclo realízase de forma conxunta e en colaboración coa actividade cultural dos concellos participantes, sendo así un exemplo de traballo colectivo e de colaboración institucional co obxectivo de ofrecer a mellor programación posible, involucrando a administracións pero tamén a creadores, compañías e programadores, nun circuíto pensado, deseñado e realizado por e para o público.

 

Actuacións no Val Miñor

Nos concellos de Baiona e Nigrán ofreceranse un total de 8 actuacións –3 na Vila Real e 5 no municipio nigranés- de teatro infantil, música e maxia. A primeira delas terá lugar en Nigrán o vindeiro 27 de abril ás 18,30 horas. A compañía EducaTeatro Producións ofrecerá unha mostra de teatro infantil baixo o nome Os tres porquiños. As seguintes actuacións serán:

 

Concello	Data	Hora	Compañía	Actuación	Categoría
Nigrán	27/04/2014	18:30	EducaTeatro Producións	Os tres porquiños	Teatro infantil
Nigrán	20/06/2014	21:00	Felipe Villar Trío		Música
Nigrán	04/07/2014	20:30	Dani García	Don Gelati	Maxia
Nigrán	10/07/2014	20:30	Títeres Cascanueces	O fillo do panadeiro	Teatro Infantil
Nigrán	12/08/2014	20:30	A Xanela do Maxín	Titeremusicontos	Teatro infantil
Baiona	12/07/2014	23:00	Os contos de Joselín	Os contos de Joselín	Teatro
Baiona	15/07/2014	23:00	Mago Rafa	Momentos máxicos
Baiona	18/07/2014	23:00	Orquestra Os Modernos		Música

 

No Concello de Mos

No caso do Concello de Mos as actuacións que se ofrecerán serán tres, de música e de teatro infantil, e todas elas a celebrar durante o mes de xuño.

 

Mos	01/06/2014	20:21	Malvela	Raianas	Música
Mos	14/06/2014	20:21	Moxenas Musical Galego	Homenaxe a Nazario González	Música
Mos	15/06/2014	20:21	Migallas Teatro	Un avó especial	Teatro infantil

 

Redondela e Soutomaior

Por último, os concellos de Redondela e Soutomaior ofrecerán o maior número de actuacións culturais na área de Vigo. Serán un total de 12 actuacións: 7 na Vila dos Viadutos e 5 no municipio de Soutomaior nos meses de xuño, xullo e agosto. Novo circo, maxia e teatro infantil serán as principais actividades que os veciños e veciñas poderán disfrutar.

 

Redondela	19/06/2014	18:00	Peter Punk	Peor imposible	Novo circo
Redondela	19/06/2014	17:00	Pistacatro productora de soños	Up 2 down	Novo circo
Redondela	20/06/2014	18:00	Barafunda	Maxia Branca
Redondela	20/06/2014	17:00	Dani García	Don Gelati	Maxia
Redondela	01/08/2014	19:00	Cayetano Lledó	O peregrino máxico	Maxia
Redondela	01/08/2014	19:00	Culturactiva	Pistactiva.Combinado de Circo Galego	Novo circo
Soutomaior	28/06/2014	21:00	A illa dos nenos	Maxia no camiño	Maxia
Soutomaior	13/07/2014	21:00	Compañía Asacocirco	Casal en risco	Novo circo
Soutomaior	08/08/2014	21:00	Chrystyan Magic	A casiña da maxia na rúa	Maxia
Soutomaior	14/08/2014	21:00	Magín Blanco	A nena e os grilos	Teatro infantil
Soutomaior	22/08/2014	21:00	Os tres tenedores	Cocido sinfónico	Teatro infantil