AXENDA SINSALAUDIO // COMEZA NA CORUÑA O CICLO NINONINO!

NINONINO   NINONINO! é un ciclo organizado por Normal e coordinado por Sinsalaudio.

A Coruña, 24 de abril de 2014.- Normal, o espazo de intervención cultural da Universidade da Coruña, presenta NINONINO!, un ciclo musical dividido en catro sesións, nas que oito músicos galegos de diferentes estilos presentarán as súas cancións mentres varios debuxantes resumirán cada xornada en viñetas. Este proxecto nace co principal obxectivo de promover a incipiente –e recoñecida– nova xeración de músicos galegos, orixinando un lugar de colaboración con outras disciplinas artísticas como a banda deseñada.

O debuxante vigués Andrés Magán (Vigo) ilustrará o concerto inaugural este venres, 25 de abril, con Gas Noble (A Coruña) e Puma Pumku (Santiago) a presentar as súas últimas propostas musicais. O xoves 8 de maio toman o relevo dúas das bandas de referencia no panorama actual galego, Esquelas (A Coruña) e Das Kapital (Santiago), que protagonizan o segundo concerto do ciclo nunha sesión ilustrada por Miguel Porto (Vigo). Ao día seguinte o escenario de NORMAL acollerá a conversa a tres bandas entre o directo cru de Lady Leño (A Coruña), o pop fresco de Linda Guilala (Vigo) e as ilustracións de Bernal Prieto (A Coruña) no penúltimo concerto deNINONINO! Korokati (A Coruña) e When Nalda Became Punk (Vigo) serán os grupos encargados de pechar o ciclo o venres 16 de maio, nun último concerto que será ilustrado polo debuxante coruñés Roque Romero.

O programa de NINONINO! inclúe tamén un obradoiro familiar aberto a todos os públicos arredor dos sons da cidade, titulado Debuxando os sons da cidade. Este obradoiro gratuíto, que terá lugar o sábado 10 de maio, propón unha procura lúdica dos sons da cidade para despois pintalos, compoñendo o mapa das onomatopeas da Coruña.

GAS NOBLE (A Coruña) – 20:30 horas
PUMA PUMKU (Santiago) – 21:30 horas
+ Andrés Magán (Vigo) – Ilustrador

XOVES 8 MAIO

ESQUELAS (A Coruña) – 20:30 horas
DAS KAPITAL (Santiago) – 21:30 horas
+ Miguel Porto (Vigo) – Ilustrador
LADY LEÑO (A Coruña) – 20:30 horas
LINDA GUILALA (Vigo) – 21:30 horas
+ Bernal Prieto (A Coruña) – Ilustrador
OBRADOIRO FAMILIAR – 11.30 / 13.30 horas
Debuxando as onomatopeas da Coruña
Obradoiro gratuíto con inscrición previa en actividades@istoenormal.org.
KOROKATI (A Coruña) – 20:30 horas
WHEN NALDA BECAME PUNK (Vigo) – 21:30 horas
+ Roque Romero (A Coruña) – Ilustrador

Entrada libre de público até completar o aforo

Máis información en http://istoenormal.org/gl/

Acerca de Vgomagazine

Revista Online.

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión /  Cambiar )

Google photo

Estás comentando usando tu cuenta de Google. Cerrar sesión /  Cambiar )

Imagen de Twitter

Estás comentando usando tu cuenta de Twitter. Cerrar sesión /  Cambiar )

Foto de Facebook

Estás comentando usando tu cuenta de Facebook. Cerrar sesión /  Cambiar )

Conectando a %s

A %d blogueros les gusta esto: