A Fundación Novacaixagalicia presenta en Vigo e Pontevedra Metade e metade

A Fundación Novacaixagalicia presentará mañá, venres día 9, e o sábado 10 de maio, en Pontevedra e Vigo respectivamente, a peza Metade e metade. O Centro Social de Pontevedra e o cultural de Vigo abrirán o pano, ás 20.30 h, para acoller esta montaxe incluída na tempada de abonos de teatro que programa a Fundación Novacaixagalicia. As entradas soltas están xa á venda nas canles habituais da entidade: a web de Servinova, www.servinova.com, a billeteira telefónica no 902 504 500, ou nos despachos de billetes da Central de Espectáculos, dos centros da Fundación de Ourense, Santiago e A Coruña e no do recinto o mesmo día do espectáculo.