Concello de Vigo

O alcalde avanza a inmediata aprobación dos proxectos sufragados co superavit do 2012 O goberno local dará luz verde esta mesma semana aos proxectos que se van sufragar con cargo aos 5,9 millóns do superávit 2012. A reforma da grada de Río de Balaídos, humanizacións, creación e mellora de zonas verdes, deportivas e colexios públicos concentran a grande parte deste investimento.

 

Caballero propón en Madrid que a execución do superávit de 2013 non compute como déficit O alcalde de Vigo e vicepresidente da FEMP participa este xoves na reunión da Comisión Nacional de Administración Local, presidida polo ministro de Facenda, Cristóbal Montoro. Entre outras cuestións, os municipios plantean que os investimentos a cargo do superávit de 2013 non computen como déficit este ano ou poidan ser executados ao longo de 2014 e 2015.

 

Caballero felicitou ao presidente do Celta polo amistoso que xogará España en Balaídos O 18 de novembro, a Selección Española disputará un encontro con Alemaña no estadio vigués e o alcalde quixo felicitar a Carlos Mouriño, presidente do Celta, por ser o artífice de que o conxunto de Del Bosque celebre un amistoso contra o equipo xermano. En verbas de Caballero, «é un recoñecemento a todo o fútbol vigués».

 

Máis de 1.200 atletas participarán este domingo na XVII Media Maratón de Vigo O alcalde animou na mañá deste xoves á participación na Media Maratón que percorrerá as principais rúas da cidade, o día 11 de maio.

 

Carmela Silva conmemora o Día de Europa destacando a necesidade de máis política social A tenente de alcalde animou a toda a sociedade a felicitarse por formar parte desa «gran Europa», cando se cumpren 64 anos da proposta de Robert Schuman. Nun momento no que o proxecto europeo «parece estar cuestionado por parte da cidadanía», Silva inistiu na necesidade de abogar por máis políticas sociais.

 

O Concello informa a 40 universitarios da Coruña do presente e futuro do urbanismo de Vigo A tenente de alcalde e concelleira de Urbanismo, Carmela Silva, mantivo este xoves unha charla con 40 estudantes da facultade de Socioloxía da Universidade de Coruña para trasladarlles información do Vigo do presente e futuro en materia urbanística. Os alumnos visitan Vigo para estudar a cidade e as súas posibilidades.

 

Unha roda de capoeira angola amenizará Montero Ríos na tarde deste sábado A tenente de alcalde, Carmela Silva, presentou hoxe xoves esta actividade folclórica-popular, que consiste nunha roda formada por entre 20 e 40 percusionistas e bailaríns. A cita será á altura da estatua de Julio Verne, en Montero Ríos, este sábado desde as 18 ás 22 horas.