A Fundación Novacaixagalicia presenta o espectáculo de danza da Fundación Igualarte

A Fundación Novacaixagalicia acollerá o venres 30 de maio e o sábado 7 de xuño en Vigo e Pontevedra, respectivamente, o espectáculo Nos meus zapatos, interpretado pola compañía de danza da Fundación Igualarte, unha entidade que traballa o desenvolvemento artístico en persoas con capacidades diferentes. A primeira función será no Centro Cultural da Fundación Novacaixagalicia de Vigo e a segunda, no Centro Social desta entidade en Pontevedra, ambas ás 20.30 h.

Aqueles que desexen adquirir as entradas poderán facelo, desde hoxe mesmo, a través das canles habituais: a web de Servinova, www.servinova.com, a billeteira telefónica no 902 504 500, os despachos de billetes da Central de Espectáculos, os centros da Fundación de Ourense, Santiago e A Coruña e no propio recinto o mesmo día do espectáculo.