A Real Filharmonía de Galicia na Fundación Novacaixagalicia en Vigo

O Centro Cultural da Fundación Novacaixagalicia en Vigo acollerá o vindeiro 4 de xuño, ás 20.30 horas, o concerto en que a Real Filharmonía de Galicia, dirixida por Christoph Könige con Alexander Melnikov ao piano como artista invitado, interpretará a Suite de Hercules e Omphale, de Fernando Sor; o Concerto para piano núm. 5 en mi bemol maior, op. 73 «O emperador»,de Ludwing van Beethoven; ea Sinfonía núm. 2 en re, op. 35, de Louise Farrenc. As entradas para este espectáculo, non recomendado para menores de sete anos, están xa á venda a través das canles habituais da entidade, en www.servinova.com ou ben na billeteira telefónica no 902 504 500. Ademais, o interese por achegar a cultura a un maior espectro da sociedade galega conduce a entidade a continuar coa iniciativa mediante a cal todas aquelas persoas menores de 35 anos poderán adquirir a súa entrada media hora antes do concerto na billeteira a un prezo de 5 euros.