A Escola de Negocios da Fundación Novacaixagalicia estrea un programa de formación para estudantes chineses

A Escola de Negocios da Fundación Novacaixagalicia e o centro de idiomas Sinergy Didactic deseñaron un programa de formación empresarial e cultural destinado a estudantes chineses que atraerá a Vigo alumnos procedentes deste país nos próximos cinco anos. O vindeiro domingo 1 de xuño visitará Vigo unha delegación académica da Universidade de Estudos Internacionais de Beijing (BISU) para coordinar a posta en marcha do convenio asinado no mes de marzo entre esta institución académica, a Escola de Negocios da Fundación Novacaixagalicia e Sinergy Didactic. Este acordo, ratificado para un prazo de cinco anos, ofrece aos estudantes chineses a oportunidade de realizar formación de grao e posgrao na Escola de Negocios e afondar no coñecemento da cultura e a lingua españolas no centro de idiomas Sinergy Didactic, acreditado oficialmente como centro examinador do Instituto Cervantes.