ABANCA pon en marcha o seu novo modelo bancario

Banesco transformou en 6 meses a estratexia comercial, o organigrama, os procesos e a cultura corporativa da entidade

27.06.2014. ABANCA é xa unha realidade despois de meses de intenso traballo que concluíron cunha profunda transformación da cultura corporativa, a estrutura organizativa e os procesos tecnolóxicos e loxísticos do banco. O cambio de imaxe é só o símbolo visible desta nova etapa que se inicia hoxe e que comezou a xestarse en decembro de 2013, cando Banesco Grupo Internacional resultou vencedor no proceso de adxudicación.