Os Centros de Maiores de Afundación acaban de reabrir as súas portas logo da tempada estiva

Os centros de maiores da Fundación Galicia Obra Social (Afundación) acaban de reabrir as súas portas e retomar os seus servizos habituais logo do descanso estival. Os servizos de cafetaría, peiteado, ciberaula, biblioteca, podoloxía e psicoloxía dos que dispoñen estes centros están xa dispoñibles para os seus socios. Así mesmo, estes locais ofertan xa as súas actividades para o novo curso 2014-2015, que serán inauguradas en outubro. Os interesados en participar desta oferta de ocio pódense dirixir aos centros das súas cidades para informárense e/ou faceren a súa reserva.