ABANCA non optará á xestión de activos de SAREB tras o vencemento do actual contrato

A decisión está baseada en focalizar a estratexia no negocio bancario tradicional, os seguros e os medios de pago

 

06.11.2014. ABANCA comunicou hoxe á Sociedade de Xestión de Activos Procedentes da Reestruturación Bancaria (SAREB) a súa renuncia a participar no Proxecto Ibero, que ten por obxectivo adxudicar a xestión dos activos de SAREB.

A decisión, que non afecta aos activos propiedade do banco, que ABANCA seguirá xestionando como ata agora, está baseada na vontade da entidade de focalizar a súa estratexia no negocio bancario tradicional, os seguros e os medios de pago.