A Escola de Negocios de Afundación, premiada pola súa estratexia de comunicación

A Escola de Negocios da Fundación Galicia Obra Social (Afundación), recibirá esta tarde o Premio de Comunicación de Galicia na categoría de Mellor Estratexia de Comunicación desenvolvida por unha peme. O xurado dos premios valorou a innovación aplicada á estratexia empresarial, a coherencia entre as distintas vertentes de comunicación da empresa e a habilidade na estratexia de comunicación empresarial multicanle desenvolvidas para a Escola de Negocios de Afundación pola axencia Anónimo Advertising. Unha estratexia que pode verse na páxina web da escola: www.escueladenegociosafundacion.com. A gala de entrega será esta tarde ás 19.30 h en Expourense.