Novo galardón internacional para a Escuela de Negocios Afundación

A Escuela de Negocios Afundación recibiu un novo galardón en recoñecemento aos seus logros e ao seu afán de incentivar e seguir promovendo a internacionalización do centro a todos os niveis. A Asian Association of Schools of Business International distinguiu o centro de ensino superior de Afundación con dúas estrelas na cualificación de Great Business School with Significant National Influence. De entre todas as escolas a nivel mundial, potenciais candidatas a optar a este galardón, tan só mil centros superaron a fase de selección. Entre eles, a Escuela de Negocios Afundación.