O CONSELLEIRO DE FACENDA RESALTA QUE A LEI DE EMPREGO PÚBLICO PERMITIRÁ TER ADMINISTRACIÓNS MÁIS EFICIENTES PARA PRESTAR UN MELLOR SERVIZO AOS CIDADÁNS
Valeriano Martínez presentou hoxe no Parlamento esta normativa, que incorpora máis de 150 alegacións de sindicatos, institucións e outros 30 colectivos
- Galicia será a terceira comunidade que adapta a súa normativa ao marco estatal
- Esta lei instaura unha cultura da avaliación, para medir e valorar con transparencia e obxectividade o rendemento dos empregados públicos
- Cúmprese o compromiso de que os funcionarios recuperen os niveis retributivos, e xa neste 2015 a Xunta destinará 51 millóns para aboar o 25% da extra de 2012
- A comunidade galega será a primeira autonomía que suprime por lei o plus de ex altos cargos
- Máis de 500 xefaturas de servizo pasarán a proverse por medio dun concurso específico con convocatoria pública
- O proceso de funcionarización do persoal laboral fixo permitirá elevar a polivalencia
- “É unha lei para os cidadáns, para toda Galicia, para a mellora dos servizos públicos e socialmente responsable”, sinalou o conselleiro