GALICIA É A COMUNIDADE QUE MENOS ELEVOU O ENDEBEDAMENTO EN 2014 E A SÚA DÉBEDA XA É 4,4 PUNTOS INFERIOR Á MEDIA AUTONÓMICA
- A ratio de débeda en Galicia medrou a metade que a do conxunto das autonomías
- A Comunidade galega acada o maior diferencial positivo da historia da Autonomía ao peche do ano
- Tendo en conta a ratio global que inclúe empresas públicas, Galicia ten un endebedamento 4,8 puntos inferior á media
- O Goberno galego mantén unha política de control do déficit público, e é a terceira comunidade onde menos medrou a débeda dende 2009
Santiago, 13 de marzo de 2015.- Galicia é a comunidade de réxime común que menos incrementou o seu endebedamento no ano 2014, e a consecuencia disto o diferencial positivo coa media autonómica ampliouse ata os 4,4 puntos, o maior da historia da Autonomía ao peche do ano.
Segundo reflicten os datos do Banco de España publicados hoxe, Galicia é a autonomía onde menos medrou a ratio de endebedamento no último ano (1,2 puntos), mentres que a media das comunidades autónomas aumentou o dobre (2,4 puntos) respecto ao remate do ano 2013.
En concreto, a Xunta de Galicia rexistra ao peche do cuarto trimestre de 2014 unha ratio de débeda/PIB do 18,0%, polo que segue ampliando o diferencial positivo con respecto á media autonómica, que se sitúa no 22,4%. Este diferencial vén crecendo ano a ano dende 2009.
Deste xeito, a Comunidade galega pecha o 2014 cunha ratio de débeda/PIB por debaixo da do conxunto das autonomías. En contraste, Galicia era en 2008 a cuarta autonomía con maior endebedamento público, cunha ratio superior á media autonómica.
Un 75% menos en empresas públicas
Tendo en conta a ratio global de débeda -incluíndo a das empresas públicas- o diferencial positivo é aínda maior, de 4,8 puntos. Segundo os datos do Banco de España, a ratio de débeda/PIB das empresas públicas en Galicia é do 0,1%, moi inferior ao conxunto de comunidades (0,5%).
De feito, o endebedamento das empresas públicas da Administración galega reduciuse no último ano á metade, pasando dunha ratio débeda/PIB do 0,2% ao 0,1%. Compróbase así que Galicia segue apostando pola transparencia e non concentra endebedamento nas empresas públicas, cunha redución acumulada do 75% dende 2009.
A Comunidade galega vén mantendo unha política de control do endebedamento e do déficit público, e é a terceira autonomía que menos incrementou a súa débeda dende 2009.
Feijóo subvenciona perseguidos por la justicia, Pescanova, Vidal Armadores, Fegacope, convirtiendo a Galicia en la Isla de Los Piratas del Siglo XXI…
Abierta una Investigación Pesquera en las sedes de varias empresas gallegas, por su presunta vinculación con buques incluidos en la lista de pesca ilegal en toda Galicia mientras Feijóo nombraba, Delegado de la Xunta de Galicia en Uruguay, a Manuel Antonio Vidal Pego perseguido internacionalmente y con un historial de terror PIRATA en las aguas de todo el mundo. Los servicios de inspección pesquera están procediendo a examinar numerosa documentación física y electrónica, que continuará siendo analizada en los próximos días. Conde y Rueda arropaban la inauguración del proyecto eólico del armador procesado por pesca ilegal, Manuel Antonio Vidal Pego presidente del grupo de renovables PDR Green Power y receptor de más ayudas de Feijóo en Biomega Nutrición donde es administrador y copropietario. Se trata de un operativo sin precedentes en la Unión Europea que, amparado en la reciente reforma de la Ley de Pesca Marítima, sitúa a España, más si cabe, al frente de la lucha contra la pesca ilegal a nivel internacional… [+] »La operación bautizada como SPARROW, todavía en curso, se está desarrollando en empresas situadas en la provincia de A Coruña, tras meses de investigación reforzada con la cooperación internacional sin que se enterara la Conselleira Rosa Quintana… [+] »
Ara Malikian celebra en Afundación os seus 15 anos sobre os escenarios
O violinista libanés Ara Malikian celebra os seus quince anos sobre os escenarios españois cun concerto no que repasa os espectáculos cos que percorreu o país durante este período. O Teatro Afundación de Vigo, Policarpo Sanz, 13, e o Auditorio Sede Afundación de Pontevedra, Augusto González Besada, 2, acollerán dous concertos, mañá, venres 13 de marzo, ás 21.00 h e o domingo, 15 de marzo, ás 19.30 h, respectivamente. As entradas están dispoñibles a través das canles habituais da entidade, en www.ataquilla.com ou ben na billeteira telefónica no 902 504 500.
MATO APOSTA POLA “CONCILIACIÓN, A RESPONSABILIDADE, E A COOPERACIÓN” PARA FACER FRONTE AO PROBLEMA DEMOGRÁFICO
A conselleira de Traballo e Benestar, Beatriz Mato, inaugurou hoxe na Coruña a primeira das xornadas demográficas provinciais organizadas por este departamento autonómico co fin de establecer sinerxías entre administracións e axentes sociais e económicos- Avanzou que se porá en marcha nos próximos meses o Observatorio galego de dinamización demográfica, que se converterá nun centro de referencia a nivel rexional e pioneiro a nivel estatal
- Lembrou que a Consellería forma parte da Comisión nacional para a racionalización de horarios españois
- Apostou polas medidas de conciliación da vida laboral, familiar, e persoal que, segundo os expertos, son as “máis efectivas para lograr o fomento da natalidade”
- Lugo, Ourense, e Pontevedra tamén acollerán estas xornadas ao longo deste mes
A Coruña, 13 de marzo de 2015.- A conselleira de Traballo e Benestar, Beatriz Mato, apostou hoxe, ante axentes sociais e económicos, pola “conciliación, responsabilidade, cooperación e concertación” co fin de facer fronte ao reto demográfico, un “desafío estrutural” que precisa de medidas máis alá do curto prazo e do esforzo “de todos”.
Así o destacou hoxe durante a inauguración na Coruña da primeira das xornadas demográficas provinciais “Conciliación, demografía e empresa” que o departamento autonómico está a organizar co fin de establecer sinerxías entre administracións e axentes sociais e económicos, unha “tarefa esencial” na loita contra a crise demográfica.
Recordou que a situación da evolución da poboación galega é de “alerta vermella”, e que “co ritmo actual, dentro de 35 anos, Galicia podería ter menos habitantes dos que tiña en 1990”.
A este respecto, considerou que “falar do reto demográfico e intercambiar ideas é o primeiro paso para darlle unha solución”, e lembrou que ela mesma xa tivo a oportunidade de expoñer esta problemática en foros como o Senado, o Comité das Rexións en Bruxelas, xornadas internacionais, ante Comisarios europeos, e ante responsables doutras rexións da UE.
Ademais de expoñer a situación, conseguíronse outros logros relevantes como activar a Comisión de demografía no Parlamento galego; realizar a Enquisa sobre o cambio demográfico; poñer en marcha do primeiro Plan de dinamización demográfica de Galicia, que xa está executado nas súas dúas terceiras partes; ou liderar a creación dun Foro de rexións con desafíos demográficos (FREDD) xunto con Asturias, Castela e León, Castela A-Mancha, Estremadura e Aragón.
A xornada que se celebra hoxe céntrase especialmente na “corresponsabilidade e a conciliación”, un aspecto, a xuízo de Mato, “fundamental”. De aí que apostara por que o Goberno galego siga poñendo a disposición das persoas que desexen ser pais e nais “todas as facilidades, apoios socioeconómicos e instrumentos de conciliación necesarios”.
Neste sentido, explicou que os expertos coinciden en que as actuacións en materia de conciliación da vida laboral, familiar e persoal “son as máis efectivas” para lograr o fomento da natalidade. De feito, hai estudos realizados en países do contorno que vinculan directamente o aumento da ratio de cobertura de escolas infantís públicas co incremento do índice sintético de fecundidade.
Apoio á natalidade
De aí que o Goberno galego teña centrado gran parte dos seus esforzos en iniciativas relacionadas con esta materia. Entre outras, citou o incremento dun 70% das prazas (3.800 máis en termos absolutos) en escolas infantís nos últimos cinco anos; e o aumento da dedución fiscal ata os 1.200 euros anuais no caso do segundo fillo e ata os 2.400 no caso do terceiro ou sucesivo. Este incremento farase extensivo ás familias galegas que non teñen obriga de presentar a declaración da renda e que tampouco a presenten voluntariamente, xa que percibirán unha contía equivalente á dedución fiscal. Deste xeito, Galicia situarase á cabeza de todas as autonomías en beneficios fiscais en materia de natalidade.
Lembrou tamén a futura posta en marcha nos próximos meses do Observatorio galego de dinamización demográfica, cuxo obxectivo é converterse nun centro de referencia a nivel rexional e pioneiro a nivel estatal.
Tamén se ten incluído, de forma pioneira, un módulo transversal optativo nos cursos de formación para o emprego en materia de sensibilización demográfica. Ademais, Galicia, a través da Dirección Xeral de Traballo e Economía Social, forma parte da Comisión nacional para a racionalización de horarios españois, que promove medidas para conseguir uns horarios laborais que permitan a conciliación e a calidade de vida dos traballadores e traballadoras.
Ademais, Mato salientou que a Xunta está poñendo en marcha mecanismos para favorecer a conciliación do persoal da Administración autonómica, como a flexibilidade horaria ou o teletraballo, aos que xa se teñen acollido máis de 7.000 empregados públicos.
Xornadas provinciais
A xornada celebrada hoxe na Coruña é a primeira das que se van organizar nas catro provincias. A seguinte terá lugar na cidade de Lugo, o próximo 19 de marzo. Pola súa banda, Ourense acollerá esta actuación o 26 de marzo, e Pontevedra ao día seguinte, o 27 deste mesmo mes.
Presentación o luns en Vigo do novo libro de Clara do Roxo
A mamá que perdeu as cóxegas
No Café De Catro a Catro o vindeiro luns 16 de marzo ás 20 horas
A escritora Clara do Roxo presentará a súa nova novela, A mamá que perdeu as cóxegas o vindeiro luns 16 de marzo ás 20 horas no Café De Catro a Catro. Acompañarana o escritor Amadeo Cobas e o editor Francisco Castro.
Pregámosvos que o incluades nas vosas axendas. Tedes dispoñibles para a descarga os seguintes materiais:
Fotografía de Clara do Roxo
Cuberta do libro
Boletín informativo
Velaquí unha historia sobre unha familia na que unha nai, experta en rir e rir e rir gozando das cóxegas, xa non o fai. Que será o que lle pasa?, por que non dorme polas noites?, que é o que lle preocupa? Como en tantas ocasións, serán os pequenos da casa os que inicien unha investigación que consiga aclarar como é que mamá perdeu as cóxegas. E, sobre todo, por que.
BRAVO BOSCH ENTREGA OS DIPLOMAS AOS ALUMNOS E ALUMNAS QUE PARTICIPARON NO OBRADOIRO EMPREGA VERDE II DE REDONDELA
A delegada territorial da Xunta en Vigo, María José Bravo Bosch, participou hoxe na clausura deste programa mixto de formación e emprego no que a Consellería de Traballo e Benestar destinou preto de 170.000 euros.- Na área de influencia de Vigo desenvolvéronse un total de sete obradoiros de emprego que contaron cun orzamento superior aos 1,2 millóns de euros para beneficiar a 141 persoas desempregadas.
- Bravo Bosch destacou que o programa ofreceu unha formación teórica e práctica para que as persoas desempregadas “aprendan traballando”.
Redondela, 13 de marzo de 2015.- A Consellería de Traballo e Benestar clausurou hoxe en Redondela o obradoiro de emprego Emprega Verde II, para o que destinou un investimento de case 170.000 euros.
A delegada territorial da Xunta en Vigo, María José Bravo Bosch, entregou esta mañá os diplomas aos alumnos e alumnas participantes xunto ao alcalde de Redondela, Javier Bas, e a directora do OOEE, Imelda Barrio Santamaría. No acto tamén estiveron presentes a xefa territorial da Consellería de Traballo e Benestar, María Peón, e varios membros do goberno local de Redondela.
Os obradoiros de emprego son programas mixtos de formación e emprego que están destinados a persoas desempregadas. Concretamente, no caso de Redondela recibiron formación teórica e práctica un total de 19 alumnos e alumnas (13 mulleres e 6 homes) nas especialidades de xardinería e horticultura ecolóxica (11 persoas) e en deseño gráfico para promoción turística e cultural local (8 alumnos).
Os 19 alumnos e alumnas recibiron formación en xardinería e horticultura ecolóxica co fin de levar a cabo a recuperación, instalación e mantemento ecolóxico e sostible de zonas verdes do municipio (12 zonas de actuación) ademais de realizar o mantemento dunha zona de produción ecolóxica de hortalizas. Esta especialidade do OOEE levouse a cabo nas instalacións da Escola Taller Pousadouro. Ademais, no CEMIT de Chapela realizouse a segunda especialidade do obradoiro, onde os alumnos e alumnas recibiron formación para o deseño de produtos e servizos turísticos así coma para o deseño e realización de produtos gráficos para a dinamización turística e cultural local.
Esta iniciativa de formación e emprego tivo unha duración de seis meses e durante este tempo os alumnos e alumnas alternaron a formación co traballo ou a práctica profesional. Así, preténdese conseguir aprendizaxe, cualificación e adquisición de experiencia profesional para que as persoas desempregadas “aprendan traballando”, segundo considerou a delegada da Xunta.
Bravo Bosch felicitounos polos resultados acadados e polo éxito do Obradoiro xa que este taller permitiu consolidar a explotación de base tecnolóxica especializada en agricultura ecolóxica na finca do Pazo de Pousadouro posta en marcha coa anterior convocatoria (Emprega Verde I) e onde os seus 22 participantes se concentraron na horticultura ecolóxica, o control fitosanitario e a plantación de semillas en viveiro. Ademais, tamén realizaron melloras en parques do municipio, os xardíns da Rúa Ernestina Otero e a zona dos Canastos. “Son un exemplo do voso bo facer”, dixo Bravo Bosch.
Formación e emprego para 141 persoas
Na convocatoria 2014/2015, na área territorial de Vigo a Xunta puxo en marcha OOEE en Mos, O Porriño, Redondela e Cangas. Ademais, de xeito mancomunado, outorgou obradoiros á Mancomunidade de concellos do Val Miñor (Nigrán, Gondomar e Baiona) mentres que na comarca do Condado celebrouse outro entre os concellos de As Neves e Salvaterra do Miño e, por último, nos concellos de A Lama, Pontecaldelas e Fornelos de Montes.
Polo tanto, na área de influencia desenvolvéronse un total de sete obradoiros de emprego que contaron cun orzamento superior aos 1,2 millóns de euros para beneficiar a 141 persoas desempregadas.
Deste xeito, estas iniciativas de formación e emprego abren un importante espazo de colaboración cos concellos no marco da aposta da Xunta de Galicia pola eficiencia e optimización de recursos, co obxectivo de orientar adecuadamente os esforzos ademais de estar vinculados á realización de obras e servizos de interese para a comunidade.
1000 Lampreias em Valença, para Apreciadores, a 10 Euros a Dose, no Festival Gastronómico
1000 lampreias já esperam, em Valença, pelos apreciadores, para o Festival Gastronómico “Sabores da Lampreia” que decorrerá em São Pedro da Torre, no fim de semana de 20 a 22 de março.
A 10 euros a dose Valença promete dar a saborear, a preços económicos, a famosa lampreia do Rio Minho, considerada a melhor do mundo, confecionada e apresentada de 5 formas diferentes.
Pescada artesanalmente no rio Minho, pelos pescadores das comunidades piscatórias, sobretudo, de São Pedro da Torre e Cristelo-Côvo, as 1000 lampreias estão já em tanques da Associação Sabores do Rio Minho a preparar-se para serem confecionadas. A técnica de “apurar” a lampreia em tanques de água corrente, é antiquíssima e conhecida por “bater a lampreia”. Uma técnica que faz a lampreia apurar a sua carne, enrijecendo-a, o que permitirá, aquando da sua confeção, pratos de excelência.
Lampreia à Bordalesa, Arroz de Lampreia, Fumada/Grelhada, Assada no Forno, Recheada ou o prato dos cinco sabores, são os tipos de lampreia possíveis de saborear. Como prato alternativo os tradicionais Rojões. Acompanham o caldo verde, bem como os bons vinhos verdes da região e as sobremesas típicas.
Sabores da Lampreia é uma genuína festa gastronómica valenciana que a par de se comer bem proporciona um ambiente acolhedor e animado. Um amplo cartaz de animação proporcionará momentos de convívio e afirmação dos valores culturais valencianos. Esta é romaria obrigatória que, os bons garfos, todos os anos repetem.
A iniciativa é da Câmara de Valença, Junta de São Pedro da Torre e da Associação Sabores do Rio Minho.
Esta é uma oportunidade única para comer uma boa lampreia. Séculos de tradição a apurar receitas resultam em 5 pratos que são um convite a deliciar-se com estes manjares.
Symphonic of ABBA, un percorrido polos grandes éxitos do grupo sueco, no Teatro Afundación
O Teatro Afundación de Vigo (Policarpo Sanz, 13) acollerá mañá sábado 14 de marzo ás 21.00 h Symphonic of Abba, un espectáculo que reúne 50 artistas sobre o escenario no que se fai un percorrido polos grandes éxitos do grupo sueco. As entradas están dispoñibles a través das canles habituais da entidade, en www.ataquilla.com ou ben na billeteira telefónica no 902 504 500.
Os socios dos centros de maiores de Afundación viaxan a Croacia e Alemaña
Os socios dos centros de maiores de Afundación poderán viaxar nos meses de maio e xuño a calquera dos dous destinos elixidos nesta ocasión dentro da programación deseñada para este primeiro semestre de 2015, Alemaña e Croacia. A viaxe a Alemaña desenvolverase en dúas quendas, do 4 ao 11 de maio, xa completa, e do 11 ao 18 de maio e os participantes visitarán as localidades de Hamburgo e Berlín. A viaxe a Croacia, programada desde o 20 ao 27 de xuño, inclúe un percorrido completo polo país, desde Zagreb a Dubrovnik. O prazo de reservas está xa aberto, quen desexe anotarse pode facelo dirixíndose a calquera dos centros de maiores de Afundación. Os seus enderezos e teléfonos poden encontrarse na seguinte ligazón: centros de maiores Afundación.
MEDIO AMBIENTE ACONDICIONA AS MARXES DA ESTRADA GUILLAREI– A RAÑADA (PO-404), NO CONCELLO DE TUI
- Os traballos consisten na substitución do pavimento existente nas bandas de aparcadoiro por unha mestura bituminosa en quente
- Esta solución mellora a drenaxe da estrada, evita o crecemento de maleza entre a calzada e as beirarrúas existentes, e elimina as fochas na zona de aparcadoiro
- Os traballos, que se levan a cabo mediante o operativo de conservación integral, requiren dun investimento superior aos 40.000 euros
Tui (Pontevedra), 13 de marzo de 2015.- A Consellería de Medio Ambiente, Territorio e Infraestruturas está a acondicionar as marxes da estrada autonómica PO-404 (Guillarei – A Rañada), no Concello de Tui, pavimentando a banda de aparcadoiro. Os traballos foron supervisados no día de hoxe polo director da Axencia Galega de Infraestruturas, Francisco Menéndez, que visitou a zona xunto co delegado territorial da Xunta de Galicia en Pontevedra, José Manuel Cores Tourís.
A actuación ten por obxecto mellorar o estado dos marxes da estrada entre os puntos quilométricos 1+200 (en Guillarei) e 5+850, en Baños de Caldas. Neste vial executáronse en 2009 beirarrúas separadas da calzada por unha banda de terreo que ven sendo utilizada coma zona de aparcadoiro.
A banda de aparcadoiro conta unicamente cun pavimento de zahorra no que con frecuencia crece maleza e se forman fochas. Para solucionar estes problemas o departamento de Infraestruturas iniciou a semana pasada o acondicionamento desta superficie.
As obras consisten no fresado da zahorra existente nos sobreanchos (que suman unha superficie superior aos 1.200 m2), e a posterior extensión dunha capa de mestura bituminosa en quente cun espesor medio de 5 cm. Esta solución permite igualar a cota da calzada coa do aparcadoiro, evita o crecemento de maleza entre a calzada e as beirarrúas existentes, e mellora ademais a drenaxe da estrada.
A actuación se está a levar cabo mediante o contrato de conservación integral e suporá un investimento superior aos 40.000 euros.
Este tipo de traballos son unha mostra da aposta firme da consellería que dirixe Ethel Vázquez por mellorar o estado de conservación das estradas pertencentes á Xunta de Galicia.
VGO MAgazine 