Archivo | agosto 4, 2015

Porremprego abre o prazo de inscrición no curso “Prevención de Riscos Laborais para autónomos”

CARTEL_PRL_corregidoO prazo para anotarse o mesmo estará aberto ata este venres 7 de agosto e dará comezo do luns 17 ata o 27 deste mesmo mes

O PARO DESCENDE EN GALICIA EN XULLO EN 12.691 PERSOAS, UN 5,54%, TRES VECES MÁIS QUE A MEDIA ESTATAL

  • A directora xeral de Emprego e Formación, Ana María Díaz, apuntou que tamén se rexistrou o maior descenso interanual en termos absolutos dun mes de xullo de toda a serie histórica
  • Con esta evolución interanual, xa se acumulan vinte e unha diminucións consecutivas
  • Galicia sitúase por riba da media estatal, tanto a nivel mensual como interanual

 

Santiago, 4 de agosto de 2015.- O paro descendeu en Galicia no mes de xullo en 12.691 persoas con respecto ao mes anterior, o que en termos porcentuais se traduce nun 5,54 por cento, unha porcentaxe que triplica á media estatal e que supón a maior baixada relativa do Estado en termos mensuais. Deste xeito, o número de inscritos nas oficinas de emprego sitúase actualmente nas 216.371 persoas.

 

A directora xeral de Emprego e Formación, Ana María Díaz, explicou hoxe que este é o sexto descenso mensual consecutivo no que vai de 2015, “e o maior de todos eles en termos absolutos e relativos”.

 

A responsable autonómica tamén puxo en valor a evolución interanual, cunha diminución do 9,95% (-23.908 persoas). Así, resaltou que se rexistrou a maior baixada interanual en termos absolutos dun mes de xullo de toda a serie histórica (estatísticas desde 1996) e a segunda se se toman como referencia os datos relativos. É, ademais, o segundo ano consecutivo no que se consegue reducir o paro en xullo en termos interanuais.

 

Ademais, con este descenso, xa se acumulan vinte e unha baixadas interanuais consecutivas desde novembro de 2013. Grazas a este comportamento, Galicia volve a niveis de paro inferiores aos que existían en 2011, isto é, o desemprego volve a niveis de hai catro anos.

 

En España, o desemprego baixou en 74.028 persoas, un 1,8 por cento, ata situarse nos 4.046.276 parados. En termos interanuais, o paro en España diminuíu nun 8,45%.

 

O desemprego descende en todos os sectores económicos. A principal diminución rexístrase no sector servizos (-8.694) en termos absolutos, aínda que en termos relativos a maior baixada é a do sector primario (-7,94%). En termos absolutos, a continuación dos servizos, sitúase a industria (-1.601), a construción (-1.528), a agricultura e a pesca (-640), e o colectivo sen emprego anterior (-228).

 

Por provincias, o desemprego baixou en todas elas, especialmente en Pontevedra (-4.945), seguida pola Coruña (-4.637), Lugo (-1.658), e Ourense (-1.451).

 

Na evolución dos contratos, este mes rexistráronse un total de 98.931 contratos, 13.660 máis que no mes anterior. Deste total, 6.035 foron indefinidos (6,10%), e 92.896 temporais (93,90%). No eido dos contratos, tamén se rexistra unha interanual positiva do 8%.

 

Horarios Festival De Origen, Socuéllamos, Ciudad Real

Horarios Festival De Origen

 unnamed

Festival De Origen celebra su primera edición este sábado 8 de agosto en la Plaza de toros de Socuéllamos (Ciudad Real).

Estos son los horarios de actuación:

19.00 Apertura de puertas
20.00 Rey Sol
21.00 Villanueva
22.00 Pasajero
23.15 Novedades Carminha
00.45 Vetusta Morla
02.15 We Are Not Djs

La gastronomía y los caldos DO Castilla la Mancha también serán protagonistas: en el Festival se podrán degustar platos y vinos de la zona.

Un reclamo tanto para la localidad manchega como para su área de influencia, que además nace con afán de continuidad: se materializará en forma de ciclo anual que culminará en el mes de agosto con la celebración del Festival.

Festival De Origen
8 agosto, Plaza de Toros de Socuéllamos
Anticipada: 20 € + gastos en Ticketea y Ticketmaster – Taquilla: 25 €
www.festivaldeorigen.com

Reperkusión 2015 completa o seu programa con numerosas actividades de día: obradoiros, pasarrúas, actuacións, mercadiño e unha nova edición da Empolada

  • 2015_EMPOLADAO festival ourensán inaugura o Dub Corner, un espazo pensado para amantes do reggae polo que pasarán, entre outros, George Palmer e Crespo.
  • Por segundo ano buscará o seu “Rei Polo” e a súa “Raíña Pola” cun xogo estival que tomará as rúas da Cidade dos Muchachos na tarde do sábado 12 de setembro, baixo a dirección de O Leo i Arremecághona.
  • Ademais, obradoiro de malabares e risoterapia e concertos de La Patxaranga, Menage a Trois e Maskarpone na carpiña.
  • O programa de día está dirixido a un público diverso e é de acceso libre e gratuito.Ourense, 04 de agosto de 2015.- Como nas edicións anteriores, o Festival Reperkusión 2015 será moito máis que unha serie de concertos de noite no escenario principal, xa que terá programación ao longo de todo o día con numerosas actividades de acceso libre e gratuito, abertas a públicos diversos: obradoiros, pasarrúas, mercadiño, actuacións, unha nova edición da Empolada, unha zona nova centrada no reggae e outras sorpresas que se desvelarán nas próximas semanas. Todo isto terá lugar os días do festival, o 11 e 12 de setembro, en diferentes espazos da Cidade dos Muchachos de Bemposta. Dub corner, espazo sound system para amantes do reggae O festival ourensán inaugura nesta edición o Dub Corner, un novo espazo pensado e deseñado para amantes do reggae. Contará cun equipo de son artesanal ao estilo tradicional xamaicano, atractivo pola súa gran potencia e calidade. Por el pasarán dj’s especialistas nos ritmos máis animados e emblemáticos de Xamaica, dende o Steppa ou o Digital, ata o Dnb, o Jungle e o Dancehall, apostando sempre por unha selección de vinilos en cada sesión. Este espazo ofrecerá tamén actuacións en directo. Abrirá o venres as 19:00h con George Palmer, lírica limpa, fresca e explosiva, que fala de xente gozando na pista de baile, sobre unha liña de baixo hipnótica cociñada con sintetizadores e artefactos modernos. Directamente dende Donostia (Euskadi), réndelle homenaxe aos sistemas de son xamaicanos de mediados dos 80 e á escena dub británica. O sábado á mesma hora será a quenda do galego Crespo, integrante da unión de músicos La Utopía del Norte, onde aterrou co vídeo de presentación en acústico “Alabanza a la Balanza”, unha mostra da súa capacidade mnemotécnica. A empolada, un tolo xogo de tronos Tras o éxito do ano pasado, o Reperkusión repetirá a Empolada, a experiencia máis salvaxe, lúdica e participativa da historia do festival. Todas as persoas que asistan ao Reperkusión e teñan ganas de refrescarse, de pasalo ben e de converterse en polos por un día poderán participar neste divertido concurso que comezará cunha refrescante batalla, para a que a organización porá a disposición dos participantes máis de 10.000 globos de auga. Unha vez empapados, os participantes continuarán a guerra con 500 quilos de fariña. E despois pasearán ata o curral, onde serán rociados con confeti de plumas. O público elixirá entre os participantes o Rei Polo e a Raíña Pola nunha cerimonia dirixida polo Leo i Arremecághona. O popular músico galego, que forma parte de múltiples proxectos como Labregos do tempo dos Sputniks ou Das Kapital, actuará como Polo de Cerimonias, marcando as normas deste tolo xogo de tronos. Os Monarcas Polos recibirán un Bono Pandilla, para acudir xunto co seu séquito ao Reperkusión 2016. A carpiña do circo, a risa e a música Ao igual que na pasada edición, a carpiña concentrará os obradoiros e o resto de concertos de día. O sábado pola mañá volverán ao Reperkusión os obradoiros de circo e malabares dirixidos a nenas e nenos e adultos, para aprender a manexar o monociclo, as bolas e as mazas. Ademais, sesión de risoterapia, o ioga da risa, con Eva Pilarte. Partindo da premisa de que todo o mundo pode rir sen necesidade de chistes, de humor ou de comedia, nin da utilización de substancias tóxicas ou alleas ao noso organismo, a clase comeza con con exercicios de respiración, relaxación e desinhibición, para continuar con exercicios guiados que provocan a risa irracional e natural. O obxectivo é beneficiarse do poder curativo da risa. No apartado musical pasarán por este espazo en horas temperás La Patxaranga (o venres), que leva festa e alegría alá onde vai, viaxando polas músicas máis frenéticas do mundo (balkan, klezmer, swing, folk…), cunha formación de saxo, violín, guitarra, baixo, percusión e voz; e os ourensáns Maskarpone (o sábado), unha saborosa mestura de reggae e ska con pequenos acenos de rock e música tradicional, que leva dende 2009 facendo vibrar as salas e os festivais do país coa voz de Lore, a batería de Bush, o saxo (e os coros) de Martinho, a trompeta (e os coros) de Banchas, o acordeón de Berni, as guitarras de Ton e David e o baixo de Champi. Ademais, o sábado sesión vermú a cargo da banda de Ourense Menage a Trois, coa súa mestura de sons procedentes do folk, a bossa e a rumba, con outros aparentemente incompatibles como o rock. O resultado é un novo son único e espectacular que bautizaron como swing rock. Entradas para o escenario principal, oferta especial ata o 12 de agosto Reperkusión 2015 pechará a tempada de festivais coa súa popular mestura de músicas de todos estilos e procedencias. Pasarán polo escenario principal do festival os británicos Asian Dub Foundation Sound System, os latinoamericanos Che Sudaka, os bosnios Dubioza Kolektiv, os galegos Dakidarría e Chotokoeu e os españois Trashtucada, TranceUntes e La trocamba Matanusca. As entradas pódense adquirir a través da web http://www.reperkusion.com ou nos seguintes puntos de venda físicos:  Ourense: Café Cultural Auriense, Saborido Charcutería, Café Faíscas, Peggy Records (gastos de xestión: 0,50 €)  Allariz: Fandiño Tapas  Xinzo de Limia: Feito Praza  A Coruña: Bule Bule (Praza de Millán Astray, 8)  Santiago de Compostela: A Reixa Tenda (gastos de xestión: 1 €)  Lugo: Don Disco (gastos de xestión: 0,50 €)  Vigo: Tenda Tipo Vigo (gastos de xestión: 0,50 €)  Pontevedra: Lusco e fusco A oferta especial de 15 € máis gastos de xestión o abono de dous días ou 20 € se é con acceso á zona de acampada ampliouse ata o mércores 12 de agosto. A partir desta data o prezo do abono de dous días será de 20 € ou 25 € con acampada. A entrada para un só día custa 15 €.

EXPOSICION FOTOGRAMAS POR SEGUNDO

Biblioteca Municipal do Porriño

A partires do mércores 5 de agosto

De luns a venres de 09:00 a 21:00 horas

clip_image001clip_image001

Exposición F.P.S. (Fotogramas por Segundo), de Xosé Holgado, unha serie fotográfica que homenaxea á sétima arte cun traballo baseado na reconstrución dos fotogramas dalgunhas das películas máis representativas da historia do cine. E para completar a mostra, ofrecémosvos unha escolma dos mellores libros de cine da nosa colección, cos que vos poderedes mergullar nos segredos que se agochan tras a gran pantalla e a coidada selección de 1400 peliculas en formato DVD, que posue a biblioteca municipal.
Voltando ás imaxes de Xosé Holgado, o protagonismo do proceso recae na iluminación, que se integra á perfección con todos os elementos da posta en escena (maquillaxe, peiteado, atrezzo) para dotar ás imaxes da atmosfera das películas que as inspiran: unha selección de filmes dos máis diversos xéneros e épocas, pero cuxos fotogramas se teñen gravado xa para sempre nas nosas retinas.

 

Se facemos un percorrido cronolóxico polas mesmas non temos máis remedio que comezar co temible Nosferatu, eine Symphonie des Grauens, de F.W. Murnau (1922), obra clave do expresionismo alemán que nos presenta esta terrofífica figura esquelética, de dentes e uñas afiadas. Trátase dunha interpretación libre do Drácula de Bram Stocker(1897), a quen Murnau cambiou o nome para evitar ter que pagar os dereitos de autor…

 

Non temos que andar moitos anos no tempo para atoparnos coa surrealisa Un chien andalou (1929), de Luis Buñuel, na que participou Salvador Dalí. Unha verdadeira obra de arte e ensaio de 17 minutos que naceu da confluencia dun soño de Buñuel (o do ollo diseccionado por unnha navalla) con outro de Dalí (o da man e as formigas). O nome da película foi escollido por non ter ningunha relación cos temas tratados na mesma, algo moi en consonancia co Surrealismo no que se enmarca.

 

Se avanzamos ata os anos 60 atopámonos coa inquietante Psycho (1960), do mestre do terror e o suspense Alfred Hitchcock. Baséase na novela homónima de 1959 escrita por Robert Bloch, que á súa vez foi inspirada polos crimes de Ed Gein, asasino en serie de Wisconsin. Trátase de todo un clásico da historia do cine, unha das mellores películas do seu director, tan popular que ten sido versionada – e parodiada – en infinidade de ocasións. E é que Marion Crane e Norman Bates forman xa parte do noso imaxinario colectivo!

 

Un ano máis tarde estreábase Breakfast at Tiffany’s (1961), de Blake Edwards, coa grandísima Audrey Hepburn no papel de Holly Golightly, unha guapa neoiorquina de vida fácil e extravagante. Trátase de novo dunha adaptación, esta vez bastante libre, dunha novela co mesmo título escrita por Truman Capote. Ao igual que a imaxe elegante de Hepburn é xa un icono da cultura moderna, a música de Henry Mancini e a canción Moon River forman parte tamén da banda sonora das vidas de moitos de nós.

 

Xa nos 70, atopámonos coa película Cabaret (1972) de Bob Fosse, coa magnífica interpretación de Liza Minelli, que se ten convertido nun dos mellores musicais da historia, cando parecía que este xénero estaba xa desaparecido. Como nos casos anteriores, a literatura está nas orixes da película, xa que se basea nun musical de Broadway que á vez se inspira na novela Goodbye to Berlin de Christopher Isherwood (1939). Imborrable a imaxe de Sally Bowles (Liza Minelli) cantándonos aquilo de “Life is a cabaret, old chum! Come to the cabaret!”.

 

Chegamos á década dos 80 da man doutra desas pelis que te deixa os pelos de punta: The shining (1980) de Stanley Kubrick. Quen non recorda ese inquietante paseo en triciclo polos pasillos do hotel Overlook ou a terrible mirada de Jack Torrance (Jack Nicholson)? Baseada na novela do bestseller do xénero de terror Stephen King, este non quedou moi satisfeito co resultado da película, pois introducía cambios substanciais con respecto ao libro. Pola súa parte Kubrick modificou tamén en varias ocasións a montaxe final da cinta, suprimindo varias escenas que ofrecían novas miradas sobre o acontecido no hotel.

A nosa seguinte parada é Basic Instinct (1992), de Paul Verhoeven, todo un taquillazo mundial que mesturaba a intriga detestivesca (había que resolver un asasinato) con grandes doses de sexo. A película escandalizou aos sectores máis puritanos a comezos dos 90 polas súas escenas subidas de tono… E é que o director tivo que cortar a montaxe en innumerables ocasións para que a película non fose clasificada como pornográfica. Nunca un punzón de xeo e un cruce de pernas deron tanto que falar!

A finais desta década dos 90, un filme revolucionou a ciencia ficción pola súa acción trepidante, o seu orixinal guión e uns efectos especiais revolucionarios. Non podemos estar falando doutra peli que non sexa The Matrix (1999), dos irmáns Wachowski, que xunto con The Matrix Reloaded e The Matrix Revolutions forman unha triloxía de culto para calquera amante do xénero. Despois de Matrix, os déjà vu son máis inquietantes que nunca…

Nese mesmo ano estreábase tamén American Beauty (1999), opera prima do director teatral Sam Mendes que nos ofrece unha mordaz crítica do estilo de vida norteamericano, porque que ter a típica familia ideal e vivir nun estupendo barrio residencial non é tan marabilloso como parece… Na película aparecen constantemente alusións ás rosas como elemento simbólico: son cultivadas de forma obsesiva por Carolyn (Annette Bening), Lester (kevin Spacey) fantasea con elas cada vez que pensa en Jane (Mena Suvari), decoran o comedor familiar… precisamente a “American Beauty” é unha variedade de rosa cultivada artificialmente para ter unha apariencia perfecta, e para conseguilo hai que sacrificar en moitas ocasións xermolos que medran ao seu redor: toda unha metáfora da sociedade americana que satiriza a película.

Estreamos o século XXI con Le fabuleux destin d’Amélie Poulain (2001), de Jean-Pierre Jeune, unha fermosísima historia, case como un conto, no que a protagonista decide que o seu obxectivo na vida vai ser mellorar a vida dos demais. Cunha estética deliciosa, uns escenarios fabulosos (Monmartre) e un argumento cheo de dozura, esta película foi ata 2012 o filme francés máis taquillero da historia.

E rematamos este percorrido con Sin City (2005), de Robert Rodríguez, Quentin Tarantino e Frank Miller, baseada nos cómics deste último:  a película recrea á perfección a estética, a atmosfera opriminte e violenta e o ritmo narrativo creados por Miller, case parece que as viñetas cobrasen vida… Acción e cine negro en estado puro!

 

Comboio Turístico Dá a Conhecer Eurocidade Valença Tui

O Comboio turístico está de regresso à Eurocidade para mostrar os encantos dos centros históricos de Valença e Tui.

Em 1 hora de percurso é possível conhecer duas cidades históricas, em dois países, atravessar o rio Minho e a antiga fronteira entre Portugal e Espanha, ouvir três línguas, saborear o bacalhau que em Valença é rei “tapear” e conhecer o mais emblemático desta Eurocidade.

Os dois recintos fortificados da Fortaleza de Valença, candidata a Património da Humanidade junto da UNESCO, a ponte metálica internacional, a antiga Alfândega, o Rio Minho e o Centro Histórico de Tui, marcado pela sua Catedral fortificada são pontos referência deste passeio turístico.

O comboio funciona entre as 10h e as 13h e as 15 e as 18h (PT), com partida da Praça da República, na Fortaleza de Valença, com paragens no Parque de Estacionamento da Coroada, Bombeiros de Valença, Portas do Sol e Rua da Corredoura em Tui.

Por 2 € é possível fazer o percurso completo. As crianças até aos 10 anos pagam 1 € e os grupos superiores a 15 pessoas pagam 1,50€.

O comboio turístico Eurocidade Valença Tui funcionará até 16 de agosto.