A vindeira semana comeza en Vigo o II Obradoiro de Escrita Creativa en Afundación

A Fundación Galicia Obra Social (Afundación), dentro das súas propostas formativas para todos os públicos, presenta o II Obradoiro de Escrita Creativa  impartido por Dores Tembrás e Antía Otero. Palabras entre lindes. Literatura Híbrida afondará no estudo daqueles grandes autores e autoras que transitan un terreo máis híbrido da literatura para, posteriormente, centrar a proposta individual de escrita de cada participante. As sesións terán lugar todos os venres do 6 ao 27 de novembro, en horario de 18.30 a 21.00 h. Aquelas persoas que se desexen inscribir poden facelo a través de www.ataquilla.com ou no teléfono 902 504 500.