ABANCA e a Fundación Clúster de Conservación de Produtos do Mar renovan a súa colaboración para a difusión da cultura emprendedora

A entidade financeira e a Fundación de ANFACO-CECOPESCA firman por oitavo ano consecutivo un acordo de colaboración

11.12.2015. ABANCA e a Fundación Clúster de Conservación de Produtos do Mar subscribiron esta mañá un acordo de colaboración co obxectivo de impulsar, a través de distintas actividades, o emprendemento no tecido empresarial relacionado cos produtos do mar. No acto de firma, celebrado na sede da Fundación, participaron o director de Negocio Institucional de Galicia, Asturias e León de ABANCA, José Lino Comesaña Calvo, e o representante legal da Fundación Clúster de Conservación de Produtos do Mar, Juan Manuel Vieites Baptista de Sousa.