GALICIA REDUCIU O SEU ENDEBEDAMENTO NO TERCEIRO TRIMESTRE E MANTENSE COMO A 6ª COMUNIDADE CON MENOR RATIO DE DÉBEDA

  • Os datos do Banco de España ratifican de novo que Galicia é a comunidade de referencia no control da débeda pública
  • A ratio de débeda de Galicia é do 18,6% e está cinco puntos por debaixo da media autonómica
  • Galicia é a segunda comunidade con menor incremento da débeda no último ano

Santiago, 11 de decembro de 2015.- Galicia reduciu o seu endebedamento no terceiro trimestre do ano, ao diminuír a ratio de débeda/PIB da Comunidade Autonómica respecto ao trimestre anterior. Os datos publicados hoxe polo Banco de España ratifican ademais que Galicia é a sexta comunidade con menor endebedamento de todo o Estado.

En concreto, o endebedamento de Galicia situouse ao peche do terceiro trimestre no 18,6%, unha décima menos que o trimestre anterior, mentres que en termos absolutos aumentou un 0,77%. Deste xeito, Galicia mantén unha ratio de débeda moi por baixo da media autonómica, cun diferencial positivo de cinco puntos respecto ao conxunto das comunidades, que se sitúa no 23,6%, sen variación respecto ao trimestre anterior.

 

O Banco de España volve ratificar un trimestre máis que Galicia é a comunidade de referencia no control do endebedamento. O incremento da ratio de débeda en Galicia no último ano é de tres décimas, catro veces menos que a media autonómica, que medrou 1,2 puntos respecto ao terceiro trimestre de 2014.

As cifras publicadas polo Banco de España mostran o cambio de posición de Galicia nos últimos anos respecto ao resto de comunidades autónomas. Mentres que Galicia era en 2008 a cuarta comunidade con maior ratio de débeda, agora é a sexta autonomía con menos endebedamento.

A 2ª comunidade onde menos medrou no último ano

Os datos mostran ademais que Galicia é a segunda comunidade con menor incremento da débeda pública no último ano. En comparación co terceiro trimestre de 2014, só A Rioxa tivo un menor aumento do que se rexistrou na Comunidade galega.

 

Tendo en conta a ratio global de débeda -incluíndo a das empresas públicas non incluídas no sector Administracións Públicas – o diferencial positivo é aínda maior, xa que este indicador en Galicia é inferior en 5,4 puntos ao conxunto das comunidades autónomas.

 

Segundo os datos do Banco de España, a ratio de débeda/PIB das ditas empresas públicas en Galicia mantense no terceiro trimestre do ano no 0,1%, a quinta parte da media autonómica, que se sitúa no 0,5%. Desta forma, compróbase que Galicia segue apostando pola transparencia e non concentra endebedamento nas empresas públicas.

DÉBEDA POR CC.AA (3º trimestre)

  Ratio de débeda/PIB

(%)

Madrid 13,6
País Vasco 15,0
Canarias 15,5
Asturias 17,4
A Rioxa 17,4
GALICIA 18,6
Castela e León 19,2
Navarra 19,3
Estremadura 19,8
Aragón 19,9
Cantabria 20,6
Andalucía 21,0
MEDIA CCAA 23,6
Murcia 27,5
Baleares 29,7
Cataluña 33,6
Castela-A Mancha 34,2
Valencia 40,0

About Vgomagazine

Revista Online.

Deja una respuesta

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Salir /  Cambiar )

Imagen de Twitter

Estás comentando usando tu cuenta de Twitter. Salir /  Cambiar )

Foto de Facebook

Estás comentando usando tu cuenta de Facebook. Salir /  Cambiar )

Conectando a %s

A %d blogueros les gusta esto: