Archive | diciembre 28, 2015

IBERIA EXPRESS TRIPLICA SU APUESTA POR TENERIFE‏

Suma y sigue. Por suerte, continuan las noticias positivas para Peinador de cara al próximo año.

Iberia Express acaba de cargar la programación de Tenerife para la próxima temporada de verano, y triplica (incluso un poquito mas) la oferta de plazas en la ruta que une Vigo y Tenerife. Por una parte amplia la operativa, y por otra parte operará mas frecuencias. Los vuelos comenzarán en junio, y terminarán en septiembre, pero lo mas importante, es que la aerolinea del grupo IAG operará dos vuelos semanales por trayecto.

El siguiente cuadro, resumen las mejoras previstas en la ruta el próximo año:

TCI2016

Los vuelos ya se encuentran a la venta, desde tan solo 69€/trayecto, precio mas que atractivo para el mercado insular canario.

En resumen, buenas noticias para la conectividad de Peinador, buenas noticias para las estadísticas, y parece que, por fin, 2016 será un gran año.

O DOG PUBLICA HOXE O ANUNCIO POLO QUE SE INICIA O PROCESO EXPROPIATORIO PARA A EXECUCIÓN DO SEGUNDO TREITO DA AUTOVÍA DO MORRAZO

  • Os propietarios de terreos afectados polas obras están convocados para os vindeiros 19 e 20 de xaneiro na Casa do Concello de Moaña

    A Xunta de Galicia vén de licitar obras de conversión en autovía do segundo treito do Corredor do Morrazo, entre Domaio e Meira, por un valor de preto de 18 millóns de euros

  • Trátase dun tramo de 4 quilómetros, nos que ademais de duplicar a calzada actual, se remodelarán os enlaces e se ampliarán os dous pasos inferiores e o paso superiorclip_image002
  • Estes traballos darán continuidade ás obras xa iniciadas en outubro, entre Rande e Domaio, e que supoñen un investimento de preto de 20 millóns de euros
  • A Xunta cumpre deste xeito o seu compromiso de dotar a comarca do Morrazo dunha autovía libre de peaxe, que resolva os problemas de capacidade do corredor actual, xa que por esta vía circulan 15.000 vehículos cada día

 

Santiago, 28 de decembro de 2015.- O Diario Oficial de Galicia (DOG) publica hoxe o anuncio polo que se inicia o proceso expropiatorio para a execución do segundo treito da autovía do Morrazo. A resolución sinala a data para o levantamento das actas correspondentes aos bens e dereitos afectados polo proxecto de trazado da obra de conversión en autovía do corredor do Morrazo, no tramo II.

 

A convocatoria, na que se recollerán os datos necesarios para determinar os dereitos afectados, iniciarase  o 19 de xaneiro na Casa do Concello de Moaña, dende as 10 ata as 13.30 horas, e continuará o  día seguinte, 20 de xaneiro, no mesmo lugar e horario. Os titulares afectados deben acudir persoalmente ao acto ou delegar nunha persoa autorizada para actuar no seu nome, aportando os documentos acreditativos da súa titularidade, documento nacional de identidade e o último recibo da contribución.

 

A Xunta de Galicia publicaba recentemente no DOG a licitación das obras de conversión en autovía do segundo treito do Corredor do Morrazo, entre Domaio e Meira, por un valor de preto de 18 millóns de euros.

 

Trátase dun treito cunha lonxitude total de algo máis de 4 quilómetros. As obras proxectadas consisten na duplicación da calzada actual dende o PK 3+250 ata o 7+300, polas marxes esquerda e dereita, así como na remodelación dos enlaces de Domaio e Meira. Tamén se prevé o deseño dunha nova  área de servizo en Meira, a duplicación do viaduto da Mó e a ampliación de dous pasos inferiores e un superior.

 

Estas actuacións dan continuidade aos traballos xa iniciados no mes de outubro para a conversión en autovía do corredor do Morrazo, no primeiro treito entre o enlace de Rande e de Domaio. Este primeiro tramo supón a intervención ao longo de 3,2 quilómetros, cun prazo de execución de 24 meses, e cun investimento próximo aos 20 millóns de euros.

 

A conversión en autovía do Corredor do Morrazo é a infraestrutura viaria que absorbe o maior investimento nos Orzamentos da Xunta para 2016. Esta partida permitirá que estean en plena execución as obras do treito I, o inicio das obras do treito II e o avance no treito III.

 

A Xunta cumpre deste xeito o seu compromiso de dotar a comarca do Morrazo dunha autovía libre de peaxe, que resolva os problemas de capacidade do corredor actual, xa que por esta vía circulan 15.000 vehículos cada día, unha cifra que chega ata os 20.000 moitos días de verán.

A XUNTA DESTACA O PAPEL DOS BANCOS DE ALIMENTOS COMO CANALIZADORES DA SOLIDARIEDADE DOS GALEGOS E GALEGAS COAS FAMILIAS E PERSOAS QUE MÁIS O NECESITAN

  • Rey Varela destacou a actividade que desenvolven estas entidades sen ánimo de lucro, que “son exemplo de xestión e aproveitamento da colaboración solidaria e desinteresada dos cidadáns”
  • O titular da carteira social do Goberno autonómico anunciou un incremento do 10% no convenio coa Federación Galega de Bancos de Alimentos, ata alcanzar os 66.000 euros o vindeiro ano 2016

 

 

Ferrol, 28 de decembro de 2015.- O conselleiro de Política Social, José Manuel Rey Varela, valorou a actividade que levan a cabo os Bancos de Alimentos durante a visita que realizou esta mañá ao de Ferrol, indicando que “son exemplo de xestión e aproveitamento da colaboración solidaria e desinteresada dos cidadáns”. O titular da carteira social reuniuse con membros da xunta directiva desta delegación ferrolán do Banco de Alimentos Rías Altas –Balrial Ferrol-, e fixo entrega dun lote de produtos non perecedoiros de 20 quilos de peso.

 

Rey Varela manifestou que a Xunta de Galicia e a Federación Galega de Bancos de Alimentos comparten o obxectivo de “apoiar e asistir ás persoas e familias máis vulnerables ou en risco de exclusión social”. Así, dende a nave de Balrial Ferrol situada no polígono da Gándara distribúense alimentos a máis dunha trintena de entidades da comarca que se encargan de facelos chegar a quen os necesita. Neste sentido, o conselleiro anunciou un incremento do 10% no convenio de colaboración asinado coa federación autonómica de bancos de alimentos, cuxa contía chegará ata os 66.000 euros o vindeiro ano.

 

Ademais de agradecer as doazóns de produtos e a colaboración de diferentes organizacións e colectivos con Balrial, o responsable autonómico de Política Social quixo salientar de maneira especial “o esforzo anónimo e desinteresado que realizan os voluntarios e voluntarias que durante todo o ano, e tamén nestas datas de Nadal, dedican unhas horas das súas vidas a almacenar e preparar os lotes de produtos que logo se reparten dende este almacén a toda a comarca”.

 

Novo impulso social

Rey Varela sinalou as numerosas accións que se están a desenvolver dende o Goberno autonómico “nun novo impulso social para chegar á xente con menos recursos económicos e que máis precisa do noso apoio”. A esta finalidade obedece o incremento en máis dun 24% das partidas orzamentarias destinadas ao ámbito da Inclusión Social, que en 2016 traballará cun orzamento xeral de 86,5 millóns de euros coa vontade de que ninguén quede desprotexido e de que se teñan cubertas as necesidades básicas.

 

Así mesmo, esta maior marxe orzamentaria permite á Consellería de Política Social ampliar a orde de inclusión destinada ás entidades e aos concellos. A primeira pasa dos 3,9 millóns de euros actuais aos 7,3 reservados para 2016; e a segunda sube o vindeiro exercicio ata os 3,4 millóns de euros fronte aos 1,7 deste ano.

 

Outras medidas adoptadas pola Xunta de Galicia para atender ás familias en exclusión ou risco de exclusión social pasa por aumentar en 5 millóns de euros máis con respecto a 2015 do crédito inicialmente consignado para a RISGA, que para 2016 é de 52,7 millóns de euros. E ademais, continúase dando forma ao Plan Social de Loita contra a Desigualdade Económica, para o que se reserva unha dotación orzamentaria de 10 millóns de euros, e que supera os 20 millóns no cómputo dos presupostos xerais de Galicia. Este plan contempla diferentes medidas como a ampliación do tícket eléctrico, novas axudas para a compra de material escolar ou de aluguer social, entre outras.