A XUNTA CONVOCARÁ HOXE AO CONCELLO DE VIGO A UNHA XUNTANZA SOBRE OS ACCESOS DA QUE SERÁ A PRIMEIRA ESTACIÓN INTERMODAL DE GALICIA

  • EthelVázquezVigo1Vázquez indica que a estación intermodal, na parte de autobuses contará con 21 dársenas susceptibles de ampliación e unha superficie duns 9.000 m2
  • A nova infraestrutura compartirá servizos coa estación de ferrocarril, buscando tanto a optimización de investimentos como a comodidade dos usuarios
  • A conselleira reitera que a execución da intermodal levarase a cabo “contra vento e mareas” e acusa a AGE-Mareas-Podemos de «bloquear o desenvolvemento do transporte público en Vigo e de Vigo co resto de Galicia»

 

Vigo, 20 de xaneiro de 2016.- Ethel Vázquez sinala que a Xunta solicitará hoxe unha nova reunión co Concello de Vigo para consensuar a execución dos accesos da terminal de autobuses e acadar a primeira cidade galega con estación intermodal.

 

A conselleira de Infraestruturas e Vivenda, xunto co delegado territorial da Xunta en Vigo, Ignacio López Chaves; a directora xeral de Mobilidade, Helena de Lucas; e representantes de ADIF analizaron hoxe in situ os primeiros traballos para a redacción do proxecto básico e de execución da terminal de autobuses da futura intermodal de Vigo.

 

Vázquez explicou que estes traballos comezan polo levantamento topográfico da parcela que acollerá esta terminal. Concretou que só o contrato deste proxecto supón un investimento de 350.000 euros e 9 meses de traballo, polo que se disporá do documento dentro deste mesmo ano.

 

A responsable de Infraestruturas manifestou que a estación intermodal, na parte de autobuses contará con 21 dársenas susceptibles de ampliación e unha superficie duns 9.000 m2. Ademais compartirá servizos coa estación de ferrocarril, buscando tanto a optimización de investimentos como a comodidade dos usuarios.

 

Ethel Vázquez salientou que coa sinatura deste contrato ponse de manifesto a vontande da Xunta para que Vigo sexa a primeira cidade de Galicia que conte cunha estación intermodal. A conselleira reitera que a execución da intermodal levarase a cabo “contra vento e mareas” e acusa a AGE-Mareas-Podemos de «bloquear o desenvolvemento do transporte público en Vigo e de Vigo co resto de Galicia».

 

Vázquez explicou que o obxectivo do Goberno galego é atopar unha solución urbanística para poder desenvolver este proxecto na súa integridade, unha cuestión en plena sintonía co Concello de Vigo.

 

About Vgomagazine

Revista Online.

Deja una respuesta

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Salir /  Cambiar )

Google photo

Estás comentando usando tu cuenta de Google. Salir /  Cambiar )

Imagen de Twitter

Estás comentando usando tu cuenta de Twitter. Salir /  Cambiar )

Foto de Facebook

Estás comentando usando tu cuenta de Facebook. Salir /  Cambiar )

Conectando a %s

A %d blogueros les gusta esto: