Autónomos/as dependentes de Frigolouro trasladan protestas á Xunta e á Inspección en Vigo para reclamar emprego digno

Este luns celebran unha asemblea no Porriño para decidir as seguintes mobilizacións a desenvolver
Os autónomos/as dependentes de Frigolouro trasladaron hoxe as protestas para esixir unhas condicións de traballo dignas á delegación de Xunta e á Inspección de Traballo en Vigo, onde foron recibidos polo xefe da autoridade laboral. O persoal de Servicarne, que reclama a intervención destes dous organismos no conflito, decidirá o vindeiro luns en asemblea as seguintes mobilizacións a desenvolver.
2016 03 23 AutonomosFrigolouroXuntaVigo01

(Galería de imaxes)

Un nutrido grupo de falsos/as autónomos/as pertencentes a Servicarne, empresa á que Frigolouro lle ten subcontratado as labores de matanza e despece, mobilizouse hoxe diante da Xunta e da Inspección de Traballo en Vigo para reclamar a intervención destes organismos no conflito iniciado o pasado 15 de marzo para denunciar a explotación á que son sometidos/as e esixir unhas condicións laborais dignas.

A mobilización ás portas do edificio autonómico desenvolveuse de 11.00 a 12.00 horas e os afectados aproveitaron para despregar unha faixa na que se podía ler “Servicarne explotadores, Frigolouro cómplices” e berraron consignas contra a explotación laboral. Ao mesmo tempo, nha representación da CIG entregou un escrito solicitando unha xuntanza co delegado provincial da Xunta, que neses momento non se atopaba no inmoble.

A continuación a protesta trasladouse até a Inspección de Traballo, na rúa Cánovas del Castillo, onde se concentraron por espazo duns minutos antes de acceder ao interior do edificio. Alí foron recibidos polo xefe da autoridade laboral, que se comprometeu a continuar coas xestións para intentar solucionar o coflito. En concreto, adiantoulles que se porá en contacto coas Consellerías de Traballo e Economía.

O persoal autónomo dependente de Frigolouro está disposto a manter as mobilizacións até lograr os seus obxectivos. O vindeiro luns teñen convocada unha asemblea no local da CIG no Porriño ás 17.30 horas para decidir as próximas medidas de presión a desenvolver. Ademais, aproveitarán para analizar o que suceda pola mañá, cando está previsto que se incorporen ao seu posto, xa que existen moitas posibilidades de que a empresa tome represalias contra os que participan nos paros e nas mobilizacións.

About Vgomagazine

Revista Online.

Deja una respuesta

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Salir /  Cambiar )

Imagen de Twitter

Estás comentando usando tu cuenta de Twitter. Salir /  Cambiar )

Foto de Facebook

Estás comentando usando tu cuenta de Facebook. Salir /  Cambiar )

Conectando a %s

A %d blogueros les gusta esto: