A OFICINA DE CONSUMO EN VIGO RESOLVEU O PASADO ANO AO REDOR DUNHAS 500 ARBITRAXES E PRETO DE 360 EXPEDIENTES SANCIONADORES

 21042016_RPIGCVigo

  • O delegado da Xunta en Vigo, Ignacio López-Chaves, informou esta mañá do servizo de defensa do consumidor que o Goberno galego presta de xeito gratuíto
  • Resalta que o Instituto Galego de Consumo (IGC) cumpre cunha función moi importante de atención ao consumidor nas súas reclamacións ante as empresas
  • A Lei galega de consumo do ano 2012 permite que o consumidor recupere o dano motivo da reclamación se a empresa non alega ao procedemento sancionador

 

Vigo, 21 de abril de 2016.- O delegado territorial da Xunta en Vigo, Ignacio López-Chaves, ofreceu esta mañá unha rolda de prensa para informar do servizo que a oficina do Instituto Galego de Consumo (IGC) ofrece na cidade olívica.

 

Coma explicou López-Chaves, a oficina ten a finalidade de atender aos consumidores nas súas reclamacións e queixas ante as empresas prestadoras de servizos. E cumpre cunha función “moi importante” de defensa ao consumidor que se presta de xeito gratuíto. “Mediamos entre os consumidores e as empresas ante calquera reclamación que presenten para buscar unha solución”, sinalou.

 

Deste xeito, os instrumentos que se ofrecen pasan por un proceso de arbitraxe ou un procedemento que leva a incoación dun expediente sancionador. Así, a actividade que se leva a cabo na oficina viguesa é, coma cualificou o delegado, “elevada”. O pasado ano resolvéronse en Vigo e a súa área ao redor dunhas 500 arbitraxes e preto de 360 expedientes sancionadores.

 

Para levar a cabo a primeira opción fai falla que a empresa motivo da reclamación estea adherida ao Sistema de Arbitraxe de Consumo. A día de hoxe ao redor dunhas 4.000 empresas a nivel nacional xa están adheridas, sendo moitas delas as dedicadas ao sector da electricidade, telefonía, talleres, etc. Con este instrumento, a Xunta ofrece unha solución extraxudicial de resolución de conflitos entre o consumidor e a empresa. Ten custe cero para o consumidor, trátase dunha vía voluntaria para ambas partes sendo a resolución, vinculante e con plena garantía xurídica. O ano pasado os sectores que máis chegaron a este sistema foron telefonía, eléctricas, tinturerías, comercios ou talleres, entre outros.

 

A outra posibilidade que ofrece o IGC parte dunha denuncia do consumidor ante unha situación irregular das empresas. Neste caso, e coma especificou o delegado, se inicia un expediente que pode rematar en sanción. O pasado ano, se iniciaron e tramitaron un total de 358 expedientes sancionadores na oficina de Vigo que chegaron a sancións que supoñían máis de 2,3 millóns de euros. Entre as razóns que motivan en maior medida a incoación de expedientes se atopan tamén a telefonía, o sector das eléctricas, gas, etc…

 

Neste senso, a Lei galega de consumo do ano 2012 establece sancións leves, graves ou moi graves pero, ademais, e coma recalcou López-Chaves, contempla coma novidade o feito de que o consumidor poida ver satisfeita a súa reclamación coa recuperación do dano denunciado se a empresa motivo da denuncia non alega ao procedemento sancionador. “A empresa é sancionada por actuación incorrecta pero o consumidor tamén ve atendida a súa reclamación ou corrección do dano”, exemplificou.

 

En definitiva, o delegado valorou a importancia do servizo de atención ao consumidor que se ofrece dende o IGC, dependente da Consellería de Economía, Emprego e Industria, e que é o competente na materia porque “ofrece a posibilidade de impor decisións vinculantes para a empresa e ofrece a opción ao consumidor de acudir a un servizo que traballa, que actúa e que é garante da súa protección contra moitas actuacións irregulares”, resumiu. “Atendemos esas posibilidades de reclamación”, dixo lembrando o número de teléfono 900 231 123 de atención gratuíta de atención ao consumidor.

 

E por último, invitou ás empresas a que se adhiran ao Sistema de Arbitraxe de Consumo porque, coma significou, a súa adhesión supón “a elevación do nivel de calidade” de prestación dos servizos por parte das empresas e “unha satisfacción por parte dos consumidores porque teñen instrumentos de reclamación e resolución para atender as súas necesidades”.

 

 

 

 

 

Acerca de Vgomagazine

Revista Online.

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión /  Cambiar )

Google photo

Estás comentando usando tu cuenta de Google. Cerrar sesión /  Cambiar )

Imagen de Twitter

Estás comentando usando tu cuenta de Twitter. Cerrar sesión /  Cambiar )

Foto de Facebook

Estás comentando usando tu cuenta de Facebook. Cerrar sesión /  Cambiar )

Conectando a %s

A %d blogueros les gusta esto: