Microconcerto de Los Turbis, mañá ás 13.30 h no Centro Comercial do Campus de Vigo

Vigo, 2 de maio de 2016.- Mañá, 3 de maio, terá lugar o segundo microconcerto doprograma Ensaiamos, Colleita 2016, que, nesta ocasión, correrá a cargo de Los Turbis. O grupo, composto por Antón Seone Botana, Pipo, e Nil Dalmases Belso, Milk, define a súa proposta como rock turbio dos pantanos de Louisiana. A actuación terá lugar ás 13.30 horas no Centro Comercial do Campus de Vigo.

O concerto principal do Festival terá lugar o mércores, 4 de maio, e reunirá no Teatro de Cidade Universitaria a cinco grupos participantes no programa Ensaiamos Colleita 2016. Neste programa, que a UVigo promove desde o 2006,  ofrécese a grupos -nos que polo menos haxa un membro da comunidade universitaria para os dúos e dous para as bandas a partir de tres membros – un lugar onde ensaiar e parte do equipo de son necesario para facelo.