A XUNTA DE GALICIA E O CONCELLO DE CARBALLEDO ASINAN O CONVENIO POLO QUE SE REFORMARÁ E AMPLIARÁ UN EDIFICIO NA LOCALIDADE QUE PRESTARÁ SERVIZOS DE AUTONOMÍA E ATENCIÓN Á DEPENDENCIA

A actuación levarase a cabo grazas á achega de ata 700.000 euros por parte da Consellería de Política Social. Pola súa banda, o Concello consignará máis de 90.000 euros a este fin

• En virtude deste acordo, poranse a disposición das persoas maiores e/ou dependentes un total de 24 prazas residenciais e 20 de atención diúrna
• A Xunta garante así o dereito a que os servizos no medio rural sexan accesibles ás persoas con discapacidade e ás persoas maiores, tomando en consideración as necesidades particulares dos cidadáns do medio rural